Македонија

Орден „8 септември“ за македонската историчарка и професорка

Одликувањето ќе го врачи претседателката Гордана Сиљановска-Давкова на свечена церемонија што ќе се одржи во претседателската резиденција на Водно

1 минута за читање

На истакнатата македонска историчарка и професорка проф. д-р Наде Проева денеска постхумно ќе ѝ биде доделен орденот „8 Септември“, едно од највисоките државни признанија.

Одликувањето ќе го врачи претседателката Гордана Сиљановска-Давкова на свечена церемонија што ќе се одржи во претседателската резиденција на Водно.

Иницијативата за постхумното признание ја поднесе професорот Георги Гоце Дуртаноски, а Комисијата за одликувања при Кабинетот на претседателката ја прифати како признание за исклучителниот научен и општествен придонес на Проева.

Проф. д-р Наде Проева остави значаен белег во македонската и светската историографија, стекнувајќи углед како посветен научник, истражувач и автор на бројни дела посветени на античката историја на Македонија. Нејзините научни трудови се сметаат за важен придонес во проучувањето на македонската култура и историско наследство.

Покрај својата академска работа, Проева беше и долгогодишен колумнист, преку чии текстови ги изнесуваше своите ставови за историјата, културата и современите општествени прашања, оставајќи препознатлив печат во јавниот живот.

Поврзани теми:

топ|8 Септември|орден|Наде Проева

Повеќе на оваа тема:

Најнови вести од: Македонија

Стојаноски: Македонија предводник во регионот, патничкиот авиосообраќај порасна за 27,9%

Резултатите покажуваат дека Македонија станува се попривлечна туристичка и транспортна дестинација. Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај, вели пратеникот на ВМРО-ДПМНЕ, Бојан Стојаноски.

Тошковски: Водата во Гостивар останува исклучиво за техничка употреба, контролите ќе се засилат

Водата од градскиот водовод во Гостивар сè уште не е безбедна за пиење и останува да се користи исклучиво како техничка, соопшти министерот за внатрешни работи Панче Тошковски по состанокот на Главниот штаб за управување со кризи.

Уште еден сомнителен случај на западнонилска треска

Уште едно лице, на возраст од 76 години, кај кое е потврдено воспаление на мозокот и мозочните обвивки од вирусно потекло, како и позитивна серологија од серум за вирусот западен нил е хоспитализирано во текот на изминатото денонокие на Клиниката за инфективни болести.

ВМРО ДПМНЕ: Жерновски 20 години ја цица државата, тој е талог на општеството

СДСМ се препозна и се прогласи за талог на општеството, а еден од основоположниците на тој талог е токму нивниот неуспешен амбасадор Андреј Жерновски, одговори ВМРО-ДПМНЕ на прес-конференцијата на Жерновски.
Сите вести од Македонија

Најнови вести

To top