Бујар Османи, денеска на својот Фејсбук-профил најави дека за следните парламентарни избори неговата партија ќе предложи отворени листи.
„Граѓаните мора да имаат право да изберат не само партија, туку и кандидатот што ќе ги претставува“, напиша екс-министерот за надворешни работи и потпретседател на Демократската унија за интеграција (ДУИ),
Изјавата на Османи доаѓа откако се актуелизираше идејата за една изборна единица, односно по најавите дека ЛДП и Демократски сојуз ќе поднесат предлог-закон за воведување една изборна единица и отворени листи.
Премиерот Христијан Мицкоски рече дека пратениците од ВМРО-ДПМНЕ ќе поддржат една изборна единица во која право на глас ќе има и дијаспората.