На осумчлено семејство од селото Воѓани, општина Кривогаштани, во пожар им изгоре целата куќа и речиси сиот род на тутунот од околу еден тон. Семејството Благадушески во Новата година ќе влезe без покрив над главата и без целиот макотрпен труд со тутунот, објави МИА.
Поради неисправна инсталација на 16 декември за еден час семејството во пламенот загуби сѐ.
Среќа велат, што не биле во куќата. Живеат од ден за ден кај роднините.
Напомош на семејството вчера му дојдоа претставници на Сојузот на земјоделските здруженија.
„ Дојдовме да го посетиме семејството Благадушески, да им дадеме поддршка, и морална, и парична. Како Сојуз издвојуваме пари, од околу 180.000 денари. Ги повикувам сите тутунари, а и откупувачите да помогнат семејството да застане на нозе по оваа трагична ситуација. Изгорени се околу еден тон тутун што е во вредност од околу 10.000 евра. А куќата што изгоре е уште поголема штета. Голема е штетата“ вели Кире Ристески, претседател на Сојузот на земјоделски здруженија.