Историски високи приходи во Буџетот за јули, Царинската управа и Управата за јавни приходи имаат највисока месечна наплата досега. Финансиската стабилност и одржливиот економски раст се наш фокус и веќе се гледаат резултати, уште во првата година од мандатот, наведува министерката за финансии Гордана Димитриеска-Кочоска на својот фејсбук профил.
Димитриеска-Кочоска нагласува дека во јули споредено со истиот месец лани приходите од даноци и придонеси бележат раст 7,4 отсто, приходите од акцизи бележат раст од 5,7 проценти, а приходите од увозните давачки бележат раст од 19,2 отсто.
,,Ова се резултати на ефикасна, одговорна и професионална работа. Продолжуваме посветено, со поддршка за стопанството и грижа за секој денар на граѓаните”, подвлекува министерката.
Министерката не открива за колку пари конкретно се работи но според висината на буџетот и растот во проценти може да се може да се претпостави дека се работи меѓу десетина и десетици милиони евра раст на приходите на државата само за месец Јули.
Зошто овие пари преходно не биле собирани по истата основа за многумина е јасно: слаба контрола на институциите, сива економија, корупција и економски криминал.