Бизнис

Нема повеќе профит врз грбот на граѓаните, Владата воведува ред на пазарот

Анализите во минатите години покажаа дека поради сивата економија државата губи милиони евра годишно. Само државниот буџет секоја година губи околу половина милијарда евра коишто би можеле да се инвестираат во здравството, образованието или инфраструктурата.

3 минути за читање

Владата најавува засилена борба против сивата економија во Македонија. Целта е неформалната економија да се намали од 28,9% на 26% од БДП до крајот на 2027 година. „Ќе бидеме и цврсти и праведни и кон оние што избегнуваат обврски и кон оние што се обидуваат да профитираат од кризите. Нашата цел е економија со ред, пазар со правила и држава со достоинство“, изјави премиерот Христијан Мицкоски на конференцијата „Формализација на неформалната економија: Преку соработка до успех“ во Скопје.

Нашата политика е јасна: стабилни јавни финансии и заштитен животен стандард. Ќе продолжиме со дисциплината во приходите, со одговорноста во трошењето и со чувствителноста кон реалните потреби на граѓаните, порача премиерот Христијан Мицкоски. Тој упати остра порака до сите што работат во „сенка“ и оние што користат шпекулативни методи за зголемување на цените и нагласи дека државата нема да дозволи чесните да бидат казнувани, а нечесните да профитираат.

Тој укажа дека сивата економија е загубен приход за државата, загубена можност за повисоки плати, подобри болници, модерни училишта, посигурни пензии.

  • Таа создава нелојална конкуренција, ја руши довербата во институциите и го демотивира секој што работи чесно. Нашата цел е јасна: формалната економија да стане попривлечна од неформалната, да биде полесно, поисплатливо и посигурно да се работи легално – рече Мицкоски, истакнувајќи дека борбата против сивата економија не може да биде само инспекциска туку и системска.

Министерката за финансии, Гордана Димитриеска-Кочоска, истакна дека со ревидираниот акциски план за 2026-2027 ќе се постави јасна и мерлива цел за намалување на неформалната економија од 28,9 проценти на 26 проценти од БДП до крајот на 2027 година. Министерот за економија и труд, Бесар Дурмиши, истакна дека неформалната економија е сложен и долгорочен предизвик што ја нарушува конкуренцијата, ги оштетува работниците и го намалува фискалниот капацитет на државата.

  • Секој компромис со сивата економија значи понизок економски раст, помалку јавни услуги и послаб квалитет на животот. Затоа ни се потребни системски, конзистентни и одржливи решенија – потенцираше министерот.

Министерството за економија и труд годинава обезбеди 40 милиони евра за новиот оперативен план за вработување, со мерки насочени кон формализација на работата и отворање нови работни места. Дополнително, донесен е Законот за работно ангажирање лица, чија цел е формализирање на одредени форми на работа и приспособување на законската рамка на реалните потреби на пазарот на трудот. Од 1 јануари 2026 година започнува и примената на Законот за финансиска поддршка на инвестициите, со кој се стимулираат компаниите што инвестираат, отвораат нови работни места и остваруваат раст.

Поврзани теми:

економија|буџет|актулено|финансии|можности|Македонија|влада|Мицкоски|бизнис

Повеќе на оваа тема:

Најнови вести од: Бизнис

ЕУ повика Македонија да се усогласи со политиките за критични суровини

Македонија сè уште треба да се усогласи со Директивата за критични суровини, како и да изготви и усвои соодветна легислатива за да се интегрира во синџирот на вредности на ЕУ за критични суровини, пишува во последниот Извештај на Европската комисија посветен на земјава.

Македонија се подготвува за енергетска транзиција: Регулативата е веќе дефинирана, а ЕВН досега инвестираше 850 милиони евра

Во земјава дел од корисниците веќе имаат паметни броила, а во нивно инсталирање компанијата инвестирала 45 милиони евра, како и дополнителни 28,3 милиони евра во опрема. Планирано е до крајот на 2030 година во проекти од ваков тип да се инвестираат уште 40 милиони евра.

Европската комисија ги потврдува отпорноста на банкарскиот сектор и јакнењето на финансиската стабилност

Во Извештајот за нашата земја за 2026 година Европската комисија го оценува банкарскиот сектор како отпорен, со солидна капитализираност, квалитет на кредитното портфолио и профитабилност. Воедно, се нотираат активностите на Народната банка за зајакнување на финансиската стабилност и усогласување со европските стандарди.

Златен медал за „Kumova Reserve“ на „Spirits Selection by CMB“ – традицијата и врвниот квалитет на „Тиквеш“ со меѓународно признание

Винарската визба „Тиквеш“ продолжува да го потврдува квалитетот на своето портфолио со ново значајно меѓународно признание. Лозовата ракија „Kumova Reserve“ освои златен медал на престижниот „Spirits Selection by Concours Mondial de Bruxelles“, натпревар кој секоја година обединува врвни производители и експерти од светот на жестоките пијалаци.

Инфлацијата повторно ја тресе Европа, во повеќе држави цените пораснале над 5%

Додека Европа повторно се соочува со забрзување на инфлацијата, а во шест земји од еврозоната годишното поскапување достигнува или надминува пет проценти, македонската статистика на прв поглед дава сосема поинаква слика – инфлација од нула проценти. Но дали тоа значи дека цените во Македонија престанале да растат или дека зад една статистичка бројка се крие многу посложена економска реалност?

Нешто посебно, нешто вкусно: Нови медитерански вкусови во Веро

Веро продолжува да го развива својот асортиман со производи кои внесуваат нови вкусови во секојдневната исхрана и им овозможуваат на потрошувачите да пробаат нешто поинакво од она што вообичаено се наоѓа на домашниот пазар.
Сите вести од Бизнис

Најнови вести

To top