Македонија

Паника кај инволвирани во Рекет 2, наводни аудио фајлови внесле немир кај повеќе лица

Засега не е познато кој ги снимал овие фајлови но изворите тврдат дека на нив се гледа инволвираност на дел од луѓето кои ги наведува МКД.мк

Аудио фајлови со инкриминирачки разговори кои покажуваат инкриминараност во случајот кој го отвори МКД.мк за рекетирање на македонски бизнисмен внесле немир кај повеќе лица кои се поврзуваат со новиот случај познат како Рекет 2.

Извори на expres.mk блиски до едно од лицата чие однесување е дел од истражни активности на Обвинителството тврдат дека постојат аудио записи кои докажуваат огромен случај на рекет. Тоа лице тврди дека овие фајлови ја докажуваат неговата невиност.

Засега нема официјална потврда за постоење на овие дигитални информации и не е познато кој ги снимал овие фајлови но изворите тврдат дека на нив се гледа инволвираност на дел од луѓето кои ги наведува МКД.мк но индиректно насочува и на други лица кои имаат врска со скандалот.

Според мкд.мк обвинителството истражува настани во кои се инволвирани екс шефицата на Специјалното јавно обвинителство Катица Јанева, Бојан Јовановски алијас Боки 13 и двајца активни обвинители Лиле Стефанова и Бурим Рустеми.

Меѓу лицата кои се од интерес за обвинителството е и еден познат скопски адвокат кој има близок роднина во еден од Скопските судови.

За него постојат сознанија дека како лице кое од претходно имал контакти со Боки 13 во посочениот случај се наоѓал во ситуации кои го доведуваат во врска во настани поврзани со делата кои се содржани во погоре посочените аудио фајлови.

Извори кои се запознати со случувањата анализираат дека не се исклучува некое или некои од лицата од интерес за обвинителството да соработува со истрагата и да достави докази за други осомничени со цел да се спаси/спасат од прогон.

„Предметот за кој покажувате интерес е во предистражна постапка и по него постапува надлежен јавен обвинител од ОЈО ГОКК. Во рамките на своите надлежности обвинителството ги презема сите неопходни дејствија за испитување на наводите содржани во изјавите на пријавителите. Со оглед на тајноста на предистражната постапка во моментов ОЈО ГОКК не е во можност да сподели повеќе детали“, одговорија за МКД.мк од ОЈО ГОКК.

Обвинителството не открива кои се пријавителите на предметот.

Повеќе детали на овој ЛИНК

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top