Аналитичарот Јоргос Пападакис од Грција со саркастичен коментар за скандалот со прекинот на изведбата на македонската песна „Софка на татко“ од групата „Банда ентопика“ во Лерин од градоначалникот Василис Јанакис бидејќи пееле на македонски јазик.
„’Банда ентопика’ свири и пее на македонски јазик во Атина. Но, зарем нема ниту еден човек што може да го запре овој антихеленски и непоправлив делириум, како храбриот градоначалник на Лерин?“, прашува на Фејсбук членот на Централното претседателство на Виножито, партија околу која гравитира македонското малцинство кај јужниот сосед, покрај споделеното видео од настапот на бендот среде Атина со македонската песна „Што имала к’смет Стамена“ (на линкот).