Албанската лига на Зијадин Села експресно го демантира копретседателот на ВРЕДИ, Билал Касами, дека се разговара за нејзин влез во Владата, но не и во владејачката партија на Албанците во Македонија.
„Албанската лига не се гледа себеси како дел од конгломерат од разни остатоци кои тргуваат со правата на Албанците во замена за власт“, категорични се од Албанската лига во изјавата за ТВ 21.
„Не верувам дека има разговори за вклучување во ВЛЕН, но дека има разговори за вклучување во Владата – има. Значи, Владата може да се прошири, но во моментов не сме во разговори со господинот Села да биде дел од ВЛЕН. За дел од Владата, разговараме со сите оние кои ја прифаќаат владината програма и се подготвени да бидат дел од неа“, изјави Касами претходно.
Дискусиите за евентуално приближување на Села со владата беа стимулирани по неговата средба пред една недела со премиерот на Косово, Албин Курти.