Барањето за извинување кое го упати бугарскиот премиерот Жељасков од својот Македонски колега Мицкоски предизвика реакции во Македонија каде досега ретко кој барал извинување од Бугарија за сторените злосторства во Македонија за време на бугарската окупација во втората светска војна.
Адвокатот, партизанскиот внук и Евреин Рале Мизрахи бара извинување од Бугарија за десетици злосторства против човештвото, Евреите и Македонците пред осумдесет години но и за современите неправди кои Бугарија ги прави кон Македонија.
,,Како внук на партизани и Евреин чија фамилија е целосно уништена, јавно барам извинување од Република Бугарија за укинувањето на пресудите донесени од Народниот суд во 1945 година, со кои беа осудени извршителите на злосторства врз Евреите, како и за целосната аболиција на злосторниците од Втората светска војна.
Барам извинување од синот на цар Борис III, заради поддршката и учеството на неговиот татко во депортацијата и холокаустот на Евреите од Македонија.
Барам извинување за тоа што бугарски европратеници отпоздравуваат со нацистички поздрави во Европскиот парламент.
Барам извинување од Владата на Бугарија за најавите од страна на бугарски министри за одбрана дека ќе испратат инженериски полкови да рушат споменици и обележја од Втората светска војна на територијата на Република Македонија”, порачува адвокатот кој дополнително бара извинување за тоа што бугарски „граѓански“ здруженија формираа клубови со имиња на озлогласени фашисти, како Иван Ванчо Михајлов во Битола и цар Борис III во Охрид.
Мизрахи од Бугарија бара извинување и од бугарски професори и политичари кои јавно тврдат дека е лага оти Царска Бугарија депортирала Евреи во логорот на смртта — Треблинка.
,,Барам извинување за јазикот, за историјата, за нацијата. Барам извинување за убиствата на Мите Богоевски, Страшо Пинџур, Цветан Димов, Невена Георгиева Дуња, Стив Наумов, Елпида Караманли, Раде Јовчевски, Естреја Овадија, децата од Ваташа…
Барам извинување за 20.000 загинати партизани убиени во борбите со Бугарскиот фашистички окупатор и участок!
За лагите, измислиците, превртливоста и бедните итроштини за тоа кој и од кого ја ослободи оваа света земја!
За уништениот живот на моите баба и дедо, за страдањето на семејството на Најдо Стаменин Орлов, за Бено, за Роза, за Аврам … за убиството на сè што не било врховистичко!
Барам – и не простувам.
7200 невини души ви стојат на совеста, „европејци“, порачува Мизрахи во своето емотивно барање.
Тој Најмногу од сè бара извинување од СДСМ за пазарџискиот однос на претходната Влада и нејзините таканаречени “експерти” кон историјата на неговото семејство, неговиот народ, хероите на оваа земја и историјата на Македонија!
Мизрахи во барањето открива и малку познати факти за однесувањето на бугарските фашистички окупатори во Македонија.
,,Барам Бугарски археолози и историчари да ги откопаат надгробните плочи кои нивната тогашна фашистичка војска ги откорна од еврејските гробишта во Битола за да поплочува патеки и базени во касарната во Битола, да ги најдат исчистат и вратат истите на своето место, како и да кажат каде се телата на Мите Богоевски и Стив Наумов за тие да бидат погребани со сите воени почести, како херои кои тоа го заслужуваат”, бара адвокатот.
Фото: Средба Адолф Хитлер и Цар Борис 3
Национална дигитална архива