Повеќе делови од главниот град денеска ќе останат без електрична енергија поради планирани работи на електродистрибутивната мрежа, информираат од ЕВН Македонија.
Прекините ќе се одвиваат во следните термини:
- Општина Сопиште: Од 08:30 до 15:00 часот без струја ќе бидат дел од корисниците на улица 8 во селото Горно Соње (локалитет Коштан), а од 09:00 до 12:00 часот – дел од корисниците на улица 4 во Сопиште (локалитет Ветрила).
- Општина Бутел: Од 09:00 до 11:00 часот без електрична енергија ќе останат дел од корисниците на булеварот „Македонско-косовска бригада“, во близина на Сервис Бутел.
- Општина Аеродром: Од 09:00 до 14:00 часот без струја ќе бидат корисниците на улицата „Тодор Чангов“ – крак 21.
- Општина Карпош: Од 09:00 до 14:00 часот прекин ќе имаат дел од корисниците на улиците „Хашка“, „Будимпештанска“ и „Душко Бојковски“.
- Општина Ѓорче Петров: Од 09:30 до 14:30 часот без струја ќе останат корисниците на улиците „Александар Македонски“, „Борис Сарафов“ и „Смилевска“, како и објектот на месната заедница, бензинската пумпа и дел од корисниците на улицата „Црногорска“. Дополнително, од 12:00 до 14:00 часот без електрична енергија ќе бидат корисниците на улица 95 и околните улици во селото Волково.
Од Регионалниот центар за управување со кризи апелираат граѓаните од засегнатите подрачја да ги преземат потребните мерки за да ги минимизираат можните непријатности.