По нападот на СДСМ од каде во случајот ,,Наводни мигранти” го обвинија британскиот амбасадор Лосон дека е под контрола на ВМРО-ДПМНЕ и со тоа отворија војна со официјален Лондон, поранешниот претседател Стево Пендаровски ги нападна Америка и Израел.
За екс претседателот на Македонија, Стево Пендаровски, Вашингтон и Тел Авив биле лошо подготвени за нападот врз Иран кој според него бил непотребен.
Со тоа Пендаровски кој ја обвинува владата на ВМРО-ДПМНЕ, ВЛЕН и ЗНАМ за аматеризам влегува во отворен конфликт со администрацијата на Трамп.
Пендаровски вели дека американско-израелскиот напад врз Иран „го извадил на виделина аматеризмот на македонската надворешна политика“ поради безрезервната поддршка која македонските власти им ја дале на американската администрација и на секој нејзин потег.
„Тоа е поразителен факт“, порачува Пендаровски во интервју за БИРН, кој вели дека не само што една мала држава како Македонија може, туку е и нужно да одигра поинаку.
Македонија беше првата држава во регионот и пошироко, која најрано ја поддржа интервенцијата, многу пред Еди Рама и Александар Вучиќ, кои, како што вели поранешниот претседател, имаат далеку подобри односи со американскиот претседател Доналд Трамп и со неговата администрација.
„Кога е очигледно дека во истата алијанса има два пола што не се согласуваат, мала држава не смее да го избере само едниот. По дефиниција, тоа е ризично однесување“, вели Пендаровски.
За интервенцијата на САД во Иран, Пендаровски вели дека „освен што е непотребна, е и најлошо подготвената американска интервенција во последниве 100 години“.
Според него операцијата на САД претставува геополитички преседан, не поради игнорирањето на меѓународното право, што се случувалo и порано, туку зашто САД под Трамп за првпат ги заобиколиле НАТО-партнерите.