Македонија

По седум години успех во УНИБанка АД Скопје, следува нов професионален чекор за г-ѓа Милка Тодорова

УНИБанка АД Скопје

По седум години поминати во УНИБанка АД Скопје, на позиција Претседател на Управен одбор, г-ѓа Милка Тодорова својата професионална кариера ја продолжува во нови предизвици. Функцијата Претседател на Управен одбор ќе ја извршува до 31.05.2026 година.

„Периодот поминат во УНИБанка АД Скопје претставува значаен и исклучително вреден дел од мојата професионална кариера. Заедно со тимот од врвни банкарски професионалци, надминавме бројни предизвици, придонесувајќи кон исклучителни резултати во работењето. Денес, УНИБанка АД Скопје се препознава како стабилна, иновативна и современа, со силен фокус на дигиталната трансформација, безбедноста и одржливиот општествен развој. Верувам дека тимот ќе продолжи со истата енергија, визија и посветеност во реализацијата на започнатата стратегија, водејќи ја Банката кон нови успеси и уште поголеми достигнувања.„ – изјави г-ѓа Милка Тодорова.

„Г-ѓа Милка Тодорова учествуваше во креирање на стратегии што резултираа со раст и јасно диференцирање на Банката на пазарот. Значително придонесе кон растот и развојот на УНИБанка АД Скопје, зајакнувајќи ја репутацијата на Банката и одржувајќи прифатливо ниво на ризик. Во текот на нејзиниот мандат, капиталот и добивката се удвоени, при што Банката ја зачува својата финансиска стабилност. Благодарни сме за нејзиниот професионален ангажман и лидерство, во наредниот период јавноста ќе биде навремено информирана за назначувањето на нов Претседател на Управниот одбор„ – изјавија од УНИБанка АД Скопје.

УНИБанка АД Скопје неколку години по ред остварува исклучителни резултати. Минатата година оствари добивка од 8 милиони евра, бележејќи истовремено раст во сите сегменти од банкарското работење. Овие резултати ја потврдуваат стабилната стратегија, ефикасното управување и континуираното зајакнување на позицијата на Банката.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top