Македонија

Повеќе од 250 мртви и околу 500 повредени во земјотрес од 6 рихтери во Авганистан вчеравечер

Светските медиуми ги пренесуваат стравувањата на локалните власти во Авганистан дека „стотици луѓе се смета дека се исчезнати, или затрупани под урнатините во куќите во погодениот планински дел на Авганистан“…

2 минути за читање

Земјотрес со јачина од 6 степени според Рихтеровата скала го погоди источен Авганистан доцна синоќа. Загинаа повеќе од 250 лица, а околу 500 се повредени, соопшти Министерството за информации на Авганистан за агенцијата Анадолија. Според Геолошкиот завод на САД, земјотресот бил регистриран во 19:17 часот според Гринич, на 27 километри источно-североисточно од Џалалабад, на длабочина од 8 километри.

Официјален претставник на Министерството за информации изјави дека конечните бројки за загинатите и повредените сè уште не се утврдени, бидејќи властите комуницираат со жителите во оддалечените области, а тимовите за помош се упатени кон погодените региони. Авганистанската привремена администрација мобилизираше хеликоптери за спасување и транспорт на повредените, бидејќи патиштата се блокирани поради свлечишта, што ги спречува спасувачките екипи да стигнат до повеќе погодени области.

Месните жители го опишаа земјотресот како еден од најсилните што го погодиле регионот. Геолошкиот завод на САД објави дека по главниот земјотрес, истата област била погодена од уште најмалку дополнителни два земјотреса со јачина од 5,2 рихтерови степени.

„ЕнБиСи њуз“ утринава објави: Авганистан е особено ранлив на земјотреси бидејќи се наоѓа на врвот на неколку раседни линии каде што се среќаваат Индиската и Евроазиската плоча. Планинскиот терен на источен Авганистан е исто така склон кон лизгање на земјиштето, што им отежнува на службите за итни случаи да вршат спасувања.

Овој најнов земјотрес беше особено разорен, бидејќи се случи на мала длабочина. Во 2022 година, околу 1.000 луѓе загинаа, а илјадници други беа повредени кога земјотрес со магнитуда од 5,9 степени го погоди источен Авганистан. И тој беше плиток земјотрес. Следната 2023 година три земјотреси со магнитуда од 6,3 степени ја погодија западната авганистанска провинција Херат за една недела, при што загинаа околу 1.500 луѓе, според ОН.

Најновиов земјотрес се случи во предизвикувачки период за Авганистан, една од најсиромашните земји во светот, која страда од четири последователни години суша и прилив на повеќе од 2,3 милиони Авганистанци, кои се вратија од Иран и Пакистан оваа година.

Поврзани теми:

топ|авганистан|земјотрес|рихтерови степени|стотици мртви и повредени

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top