„На пријателска вечера со Крис Павловски, кој овие денови е во посета на неговата Преспа. Разговаравме за перспективите и иднината на Македонија, како и за користењето на сите можности, што ќе направат развој и просперитет на нашите граѓани.“ – објави на својот фејсбук-профил претседателот на Владата на Република Македонија Христијан Мицкоски.
Ним на вечерата, која имаше и белези на деловна вечера, им се придружи и Викторија Трајков, заменичка-министер за европски прашања на Република Македонија.
Компанијата на канадско-американскиот бизнисмен со македонско потекло Крис Павловски отвори подружница во Македонија. „Рамбл клауд“ е регистрирана на адреса во центарот на Скопје, а нејзини управители се Павловски и Брандон Александроф од Торонто. Павловски се смета како човек близок до сегашниот претседател на Соединетите Американски Држави Доналд Трамп. Основна дејност на компанијата „Рамбл клауд“ е компјутерска инфраструктура, обработка на податоци, серверски услуги и сродни дејности и таа е замислена како алтернатива на видео-платформата јутуб.
Премиерот Христијан Мицкоски уште на 19 јануари годинава објави дека во Вашингтон имал исклучително продуктивен и долг состанок со Крис Павловски како сопственик на „Рамбл“ компанијата, каде што дел од акционерската структура се и Хауард Лутник, министерoт за економија на САД и Џеј Ди Венс, потпретседателот на САД, како највисоки претставници на администрацијата на претседателот Трамп.