Гостиварскиот основен суд им го продолжи притворот на екс директорката на Комуналец Гостивар Артана Асани и уште двајца раководители во претпријатието осомничени за загадување на водата за пиење. Од судот за Телма потврдија дека на предлог на обвинителството одлучиле да останат во притвор уште 30 дена.
Адвокатот на двајца од осомничените за Телма вели дека ќе поднесе жалба затоа што смета дека нема основ да им биде продолжен притворот
Артана Асани и Леон Нуредини се суспендирани од работа и не можат да го повторат кривичното дело кое им се става на товар. Двајцата имаат дадено изјава пред јавен обвинител и исполнуваат условите за куќен притвор. Доставивме и барање за замена на мерката притвор со куќен притвор – Фатмир Алили адвокат.
Истрагата е во тек а обвинителството продолжува со собирање и анализа на доказите.
Министерството за здравство издаде препораки за ЈП Комуналец Гостивар но и за општинските комунални инспелктри надлежните инспекциски тела . Меѓу нив е континуирано следење на количината на хлор и поставување на автоматизиран систем за мерење следење и графичко регистрирање на параметрите релевантни за процесот на дезинфекција .
На денешната прес конференција министерот за здравство ги достави до новинарите резултатите од ЦЈЗ Тетово во надлежност на министерството, направени во деновите пред водата да добие зелено светло за пиење а дополнитлено на електорнска пошта ги испратија анализите за цела година. Клековски вели не е овластен да ги објави анализите на ЦУК и АХВ.
Три лаборатории работеа. Ова е само тоа што е работено од ЦЈЗ Тетово. Правеа и други две лаборатории паралелни извештаи, кажа Клековски и нна новиунарското прашање дали разултатите од сите три извештаи се покопуваат тој потврди.
Епидемиолошкиот извештај е готов но чекаме институационални реакации бидејки се засегнати и др институции, општинина Гостивар, обвинителство, АХВ, ЦУК и ќе задоцниме неколку дена, истакна Сашо Клековски, министер за здравство.
СДСМ и денеска праша зошто ако анализи се објавуваат секојдневно не се објавуваат.
Пет недели власта тврди дека водата е исправна, а пет недели нема јавен документ што го потврдува тоа. Наместо стручни лица и надлежни институции, пет недели гледаме полицајци како се занимаваат со вода. Стручно лице кое ќе застане пред јавноста – нема.Институција која со потпис и печат ќе потврди дека водата е безбедна – нема – рече Наташа Поповиќ, СДСМ.
Претседателот на советот на општина Гостивар Валдет Џафери во телефонски разговор за Телма информираше дека за 31 август е закажана седница на која ќе се разговара и за можноста граѓаните на гостивар да бидат ослободени од фактурите за месеците кога не била исправна за пиење и за употреба.