Македонија

Професорка со прототип за добар албански националист од македонската секција

Властите веднаш да ги размонтираат сообраќајните камерите од мнозинско албански средини

Професорката Каролина Ристова Астеруд ги коментира изјавите на Зијадин Села и други политичари кои го критикуваат проектот ,,Безбеден град”.

Таа анализира кој е прототипот за добар албански националист од македонската секција:

,,🇪🇺 Прототип на добар европски националист:

Јас посакувам и деноноќно ќе работам на тоа моето племе да напредува кон благосостојба и да биде по истите основни и докажани стандарди кои важат за сите други племиња во Европа, ма кај и колку се може, дури и на рамна нога и конкурентно со нив. Најмногу и што побрзо се може. Ма, кај се може, и да ги прешишаат сите други.
Ако моето племе нема добри работни навики, да ги стекне. Ако е гнаса за јавна чистота, да се смени. Ако вози небезбедно, исто. Итн. итн.итн.
Што?! Има некое решение за забрзано јакнење на културата на безбедност во сообраќајот, нешто со камери по сообраќајници? Помалку припадници од моето племе да гинат, помалку повредени и осакатени да има, помалку финансиски и секакви други штети по домашен буџет од сообраќајки, помалку уништување и менување на лошо на цели судбини ? Ма дајте ги сите тие камери таму каде живее моето племе, пронто! Ма само ако се стави помалку камери таму, тоа значи дека некој намерно сака да не бидеме безбедни и да гинеме во сообраќајќи, да останеме назадни, сите други да напредуваат, а ние не.

🇦🇱- 🇲🇰 Прототип на (умислен за добар) албански националист – македонска секција, со статус на ендемски примерок во Европа:

За сеʼ погоре изнесеното, си тера по обратни логики. Впрочем, само ендемскиот примерок на албански националист од македонската секција може да смисли дека е “добро за племето“ да му се уништуваат претходно солидните традиции на работна етика со некакви си договори за работа без да се оди на работа, како и да се прима плата без да се работи. А може да се изредат многу други слични примери на тие и такви предрасуди на ниски очекувања од и за своето племе, дополнително зајакнати и со концепти за обврски и одговорност на ниво на малолетници, а кај ептен тврдокорните, и на ниво на малоумници, и за одвнатре племето, ич муабет за нанадвор и наспрема другите. Сето тоа, нели, на пат за во ЕУ”, пишува РистоваАстеруд.

Во анализата професорката Ристова Астеруд дава луциден предлог како да се надмине проблемот.

,,Што се однесува до позераите на жртва на почитуваниот Зијадин Села за “многу камери во Чаир” и дека тоа било “дискриминаторски”, јас како Македонка со многу високи очекувања од моето племе за икс работи, им предлагам на властите веднаш да ги размонтираат камерите од мнозинско албански средини, и сите до последна правец само во мнозинско македонски средини. Ма да ги “утепате” од дискриминирање (да, тоа би било без наводници) за потребите на повисока сообраќајна култура, побезбеден сообраќај и помалку жртви и уништени судбини. И не само како пилот-проект, туку за постојано.

Истовремено и поврзано, имам уште еден предлог, по инспирација од логиката на З.Села, но во прилог на слободите, правата и правните интереси на засегнатите на другата страна. Да, нека се тргнат “дискриминаторските” камери од мнозинско албанските средини, но во делот на сообраќајните прекршочни и кривични деликти да се внесат следните законски измени и дополнувања:
секогаш кога сторител/ка на таквите деликти по живот/тело/имот е некој/а од албанската етничка заедница со македонско државјанство или со престој во Македонија, а на штета на жртви од македонска или друга неалбанска етничка припадност, правната квалификација секогаш да биде дело на омраза или дело на тероризам, се разбира, во зависност од тежината. Ако жртвите се Албанци, вообичаеното, и натаму се одговара по квалификации за сообраќајни деликти, како што важи за сите други. Консеквентно изведена инверзија на матрицата на Зела, а и ферски и реципрочно по влог, така?

Се разбира, сето ова сегде каде е соодветно за ЕУ-потреби, ќе оди со ѕвездичка, нешто како наша верзија на Македонија на пат за ЕУ со “две брзини”, пишува Астеруд со доза на иронија.

Најнови вести од: Македонија

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Најнови вести

To top