Македонија

Ристески: Синдикатите и работодавачите да се договорат за минимална плата – Владата ќе прифати

Тој нагласи дека Владата е за покачување на минималната плата, но врз основа на реални економски параметри и актуелната состојба во земјава.

Заменик-министерот за економија и труд, Марјан Ристески, денеска изјави дека Владата е подготвена да го прифати договорот за минимална плата што ќе го постигнат Сојузот на синдикатите и работодавачите на преговарачка маса.

„Она што ќе го договорат синдикатите и работодавачите, Владата ќе го прифати“, рече Ристески и додаде дека до постигнување на нов договор важи постојната формула од трипартитниот договор од 2022 година.

Тој нагласи дека Владата е за покачување на минималната плата, но врз основа на реални економски параметри и актуелната состојба во земјава.

„Најголемиот товар ќе оди на приватниот сектор каде се 600.000 вработени. Владата е работодавец на околу 100.000 вработени во администрацијата. Сè додека не се договорат, важи постојната формула што е вклучена во Законот за минимална плата од трипартитниот договор во 2022 година“, објасни Ристески.Ристески истакна дека Оперативниот план за вработување (главно млади лица) лани дал одлични резултати со реализација од 90% од 40 милиони евра. Годинава планот стартува порано – од март – со повеќе средства и поатрактивни мерки.

„Очекуваме преку 16.000 лица, претежно млади невработени до 29 години, да се вработат во текот на оваа година. Ги повикувам младите да ги користат овие мерки“, рече тој.

Заменик-министерот најави многукратно зголемување на казните за трговците што не го почитуваат Законот за нефер трговски практики – од сегашните 20.000 евра на потенцијално до 200.000 евра, вклучително и казнување на добавувачите.

„Направени се голем број контроли од КЗК, откриени се неправилности. Досега се изречени казни од околу 200.000 евра – сметаме дека е многу малку. Инсистираме на промени во казнената политика“, потенцира Ристески.

По два месеца од стапувањето во сила на Законот за работно ангажирање лица (за сузбивање на сивата економија во угостителство, земјоделство и услужни дејности), Ристески очекува видливи резултати.

„Очекуваме да бидат опфатени околу 15.000 лица. Официјална промоција на Законот ќе има на 3 февруари, а потоа ќе почне кампања низ цела Македонија – на лице место ќе им се објасни на работодавачите како да го искористат“, најави тој.

Годинава младинскиот додаток за млади до 23 години ангажирани во производните дејности се зголемува од 3.000 на 5.000 денари. Вкупната вредност на средствата е 210 милиони денари, а исплатата оди преку Агенцијата за вработување.

„Од 2020 година овој додаток го искористиле околу 19.000 млади лица, просекот годишно е над 3.000. Сега очекуваме над 3.500 млади да работат во производните дејности“, заклучи Ристески.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top