СДС не може да има црвени линии, тоа е уште една лага како жицата од гитарата на Заев во која се колнеше. СДС и Венко Филипче или имаат многу лош ПР или мислат дека народот заборава кои се тие, изјави Бране Петрушевски, пратеник на ВМРО-ДПМНЕ на денешната прес конференција.
Тој наведе дека: СДС се партијата чиј претходен претседател и ментор на Филипче, Заев, викаше како ако го смени името ќе му се скине жицата, го смени, а од жицата ништо.
Сега и Филипче си најде своја жица, ја нарекува црвени линии, а всушност се бонбона бизнис за Бугарија, државата од каде со Заев вртат милиони, од адреси каде фирма има и тој самиот, изјави Петрушевски.
Венко Филипче праќа порака до Бугарите дека е спремен на се, и тоа народот го гледа.Никој не очекува од СДС и Венко национална политика, сите знаеме што се крие зад тоа, затоа и ќе бидат казнети на овие избори со историски најслабиот резултат, потенцира Бране Петрушевски, пратеник на ВМРО-ДПМНЕ.