СДСМ преку Еразмус+ ја финансирале и сопругата на претседателот на Левица, Димитар Апасиев, значи пред камери се противници, а зад камери соработници, информираше денеска пратеникот и член на ИК на ВМРО-ДПМНЕ, Миле Лефков.
– Додека јавно глуми противник на СДСМ Димитар Апасив немал проблем со тоа што неговата сопруга барала пари од европските фондови и од владата на Димитар Ковачевски преку Националната агенција за Еразмус+. Имено токму од Националната агенција за Еразмус+, кога со неа управуваше Марко Ѓорѓиевски од СДС;, сопругата на Апасиев – Тамара Јованов Апасиева, добива европски пари. Додека Апасиев пред камерите глуми противник на СДСМ, зад затворени врати неговиот семеен круг бил дел од системот кој го водела власта на СДСМ, добивал финансии и уживал привилегии – соопшти Лефков.
Како токму Тамара Јованов Апасиева, покрај илјадници млади, универзитетски кадри и активисти од цела Македонија е изберена да добие поддршка од СДСМ, праша пратеникот Лефков.
– Дали ова е класичен пример на политички договори меѓу СДСМ и Левица? Дали во јавноста играат улога на „жестоки противници3, а во позадина функционираат заедно, делат фондови и позиции? Дали оваа соработка СДСМ – Левица ќе ја гледаме и на овие избори – додаде тој.
Купен ли е Апасиев со парите од Еразмус + да одработува за СДСМ, праша пратеникот на ВМРО-ДПМНЕ.