Министерството за внатрешни работи успешно го расчисти случајот со обидот за опожарување на верскиот објект на Еврејската заедница во Скопје, што се случи на 12 април 2026 година околу 4:50 часот.
Веднаш по пријавата, Секторот за борба против тероризам, насилен екстремизам и радикализам при Одделот за сузбивање на организиран и сериозен криминал, во координација со СВР Скопје и Агенцијата за национална безбедност, презеде интензивни оперативни мерки.
На 30 април 2026 година, по наредба на надлежниот јавен обвинител од Основното јавно обвинителство за гонење на организиран и корупциски криминал, извршени се претреси на 13 локации на територија на Скопје. Приведени се седум лица, а одземени се предмети и електронски уреди поврзани со случајот.
По спроведената постапка, поднесена е кривична пријава против двајца осомничени:
- А.Љ. (21) од Скопје – за кривично дело тероризам по член 394-б од Кривичниот законик
- А.Р. (38) од Скопје – за кривично дело тероризам по член 394-б во врска со член 24 од Кривичниот законик (помагање)
Судијата на претходна постапка на двајцата им одреди мерка притвор.