„Зијадин Села, претседател на Алијансата за Албанците во С.Македонија, откри дека сегашниот вршител на должноста премиер на Косово Албин Курти му имал предложено Арбен Таравари да биде номиниран за претседател на државата. Изнесувајќи детали во емисијата ‘Катче за дебата’ завчера, на 17 јули 2025 година на ТЕВЕ 1, Села изјави дека Курти му го кажал ова на средба на 4 јануари 2024 година.“ – објави ТЕВЕ 1 од Косово.
Во својата вест оваа косовска телевизија натаму наведува: „Во таа пригода тогаш Села му кажал на Курти дека не би бил проблем за него да се кандидира Таравари за таквата функција, но и му ги посочил причините зошто не треба да имаат Албанците кандидат за претседател на државата. “
Потоа се цитира изјавата што ја даде Села во оваа емисија во споменатиот контекст: „На последната средба што ја имав со Курти на 4 јануари 2024 година, пред да започнат внатрешните проблеми, ми беше поставена тезата: ‘‘Што мислиш да го направиме Арбен Таравари кандидат за претседател?’. На тоа јас одговорив дека немам ништо против тоа, но и оти се наметнува прашањето дали ние, Албанците треба да имаме Албанец-кандидат за претседател. Повикав тогаш на внимателност, бидејќи ова доаѓа од устата на еден политичар, кој пред пет години имаше упатено повик албанскиот глас да оди кај Албанците, но во едни други околности.“
Села пред една година: „Се водеше битка меѓу Еди Рама и Албин Курти за претседателските избори во Македонија во 2024“?!
Поврзано со истата тема, околу одржувањето на претседателските избори во Република Македонија пред една година ТЕВЕ 1 имаше објавено уште една изјава на Зијадин Села, кој ја имал и тогаш коментирано „кандидатурата на претседателот на Алијансата за Албанците Арбен Таравари за претседател на Македонија. За ова тогаш косовската телевизија има објавено: „Тогаш Села имал кажано дека не знае дали Таравари бил поттикнат од премиерот на Косово Албин Курти и премиерот на Албанија, Еди Рама, но додал дека „таа кандидатура на Таравари претставувала искра“ „Прашањето е дали е ова битка меѓу Еди Рама и Албин Курти за изборите во Македонија. Не знам кој ја поттикна оваа, кандидатура, но таа претставуваше прва искра…“ – рекол Села, покрај другото во емисијата „Катче за дебата“ пред една година.
Села пред една година: „На Албанците не им треба апсолутен победник на парламентарните избори во македонскиот блок, за да можат албанските партии да бидат решавачкиот чинител во Македонија!“
„Според Села, на албанските политички партии им недостига рамнотежа меѓу македонските политички партии, за да можат да бидат албанските политички партии одлучувачки чинители во земјата.“ „На албанските политички партии во Македонија им е потребно македонските политички партии да имаат рамнотежа меѓу себе, оти резултатите од изборите треба да бидат врамнотежени. Не ни треба апсолутен победник во македонскиот блок, било да е од десницата, било да е од левицата. Само ако има рамнотежа меѓу нив, ние, албанските политички партии ќе можеме да бидеме оној политички чинител, што ќе одредува , кој ќе го одржува парламентарното мнозинство. Само ако бидеш чинител, што ќе го одржува мнозинството, ќе можеш да ги реализираш целите на програмата и на политичката платформа, што си ги ветил.“ – имаше објавено косовската ТЕВЕ 1 пред една година.