Лидерот на едното од „крила“ на Алијанса за Албанците, Зијадин Села смета дека Македонија треба да стане бинационална држава. Според него, демографската реалност на државата е бинационална и вели дека треба да се почитуваат малцинските права. Притоа, Села бара ново уставно уредување.
-Дали имам право јас на визија? Вие немате право да ме спречите за да размислувам, кажа претседателот на АА во емисијата „24 анализа“.
Тој има три услови за влез на неговата партија во Владата: Уставни измени со внесување на бугарската заедница и другите што посакуваат (како што порачуваат од ЕУ), промена на „20%“ со тоа што ќе стои албански јазик во Уставот и за примена на бадентеровиот принцип во Уставниот суд.