Претседателката Гордана
Сиљановска-Давкова во вилата „Билјана“ во Охрид го примила српскиот премиер, Ѓуро Мацут.
,,Во вилата „Билјана“ се сретнав со српскиот премиер, проф. д-р Ѓуро Мацут, придружуван од македонскиот премиер проф. д-р Христијан Мицкоски.
Особено ми беше драго што, покрај политичките функции, тројцата нè поврзува и академската професија, којашто секогаш отвора простор за содржаен и аргументиран дијалог”, објави Сиљановска-Давкова која открива дека на средбата биле разменети мислења за актуелните регионални, европски, и меѓународни прашања, со особен осврт на претстојниот Самит на процесот Брдо-Бриони, којшто во ноември ќе се одржи во Охрид.
Процесот Брдо – Бриони кој е иницијатива на Словенија и Хрватска беше откажан во Мај откако дојде до конфликт меѓу хрватскиот претседател Милановиќ и српскиот претседателката Вучиќ.
Во обид да се спаси долгогодишниот процес сега Македонија ќе биде домаќин на сите земји од регионот.
Сиљановска-Давкова додава дека во разговорот била истакната важноста од негување на добрососедските односи и соработка.
Спрскиот премир вчера имаше одвоена средба и со македонскиот премиер Христијан Мицкоски.