Македонија

Сите осомничени за криминалот во ФФМ се обезбедени

Уште еден во притвор

Осомничените за криминалот во Фудбалската федерација на Македонија, тежок 2,4 милиони евра, нема каде да избегаат. Основното јавно обвинителство информира дека сите лица за кои постои сомневање за милионски злоупотреби во Федерацијата се обезбедени. Првоосомничен е Илчо Ѓорѓиоски, поранешен претседател на ФФМ.

„Денеска се определени мерки на претпазливост за двајца осомничени и мерка куќен притвор за едно лице. Со ова, сите осомничени се обезбедени“, велат од ОЈО.

Од Обвинителството засега не откриваат како планираат да ја надоместат штетата од осомничените и дали е можно да бидат преземени мерки за замрзнување на имотот.

Претходно, Основното јавно обвинителство отвори предмет за сомнежи за сериозен криминал во Фудбалската федерација на Македонија, во кој првоосомничени се поранешните претседатели Илчо Ѓорѓиоски и Муамед Сејдини, додека третоосомничена е главната сметководителка.

Според Обвинителството, двајцата поранешни претседатели потпишале 728 платни налози, подготвени од третоосомничената сметководителка, за услуги и стоки што никогаш не биле испорачани до Федерацијата.

Истрагата опфаќа и осум фирми, како и други физички лица, кои, според сомнежите, доставувале фиктивни фактури до ФФМ за услуги што никогаш не биле реализирани, а биле целосно исплатени.

Предметот сè уште е во истражна постапка, а според најавите, по завршувањето на истражните дејствија ќе следува и официјално поднесување обвинение.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

To top