Македонија

Скопскиот аеродром отворен, но маглата предизвика масовни откажувања

Поради густата магла, денеска се откажани сите утрински летови од Меѓународниот аеродром Скопје.

2 минути за читање

Поради густата магла, денеска се откажани сите утрински летови од Меѓународниот аеродром Скопје.
Откажани се летовите на „Визер“ кон Дортмунд, Брисел, Париз, Љубљана, Базел, Меминген и Венеција, како и летот до Загреб на „Кроација ерлајнс“ и до Истанбул на „Туркиш ерлајнс“.

Во моментот на аеродромот нема ниту еден авион. Шесте авиони на „Визер“ стационирани во Скопје не успеаја да слетаат претходната вечер и беа пренасочени кон аеродромите во Приштина, Софија, Тирана, Солун и Охрид. Екипажите на „Визер“ утрово патуваа до тие аеродроми за да ги преземат авионите и да ги превезат патниците кон Скопје.

Поради намалената видливост под 100 метри (под минимумот за категорија 1 инструментално слетување на скопскиот аеродром), вчера слетаа само три авиони, кои подоцна и полетаа кога условите малку се подобрија. До 18 часот на 20 декември евидентирани се вкупно 16 откажани и 11 пренасочени летови.
Од ТАВ Македонија истакнуваат дека аеродромот е постојано отворен, без разлика на временските услови, а персоналот е подготвен да ги прими и испрати авионите и патниците.

„На веб-страницата на Меѓународниот аеродром Скопје сите промени во редовниот распоред на летање се ажурираат во реално време, како што информациите стигнуваат во нашите системи. Нашиот пулт за информации работи 24/7 со персонал кој е присутен на аеродромот, а нон-стоп работи и нивната телефонска линија, со број: +389 2 3148 333, каде што патниците можат да се информираат за статусот на нивните летови“ – велат од аеродромот.
Според Управата за хидрометеоролошки работи (УХМР), во Скопје и во наредните три дена се очекува променливо облачно време со појава на магла.

Поврзани теми:

топ|Меѓународен аеродром Скопје|откажани летови|густа магла|авио колапс

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top