„Обвинителско-правосудниот систем е во состојба, што не влева доверба кај граѓаните. Таа состојба принудува многу граѓани да не веруваат во системот, почесто да има неправда отколку правда. А и тогаш кога има правда, заради сомничавоста, која постои меѓу граѓаните, тие да се прашуваат: дали навистина се донела правилната одлука? Не е случајно што е рејтингот на овие две институции околу 2 отсто. Тоа ќе биде сериозна задача за магистер Ненад Савески како нов државен обвинител. Тој е човек, што е долго во обвинителско-правосудниот систем, со сериозен стаж и искуство. Бил обвинител, судија и сега повторно ќе биде прв меѓу обвинителите. Се работи за човек, еден од светлите примери во македонското судство и обвинителство, кој нема дамки зад себе. Тој е мотивиран и ќе биде првиот, кој треба да се избори за правда во Македонија.” – рече Николоски пред пратениците.