„СДС е најголемата криминална банда воопшто видена во македонската историја и во македонската политика. Ја опустошија целата држава и правеа национални предавства!“ – изјави потпретседателот на Владата на Република Македонија и потпретседател на ВМРО ДПМНЕ Александар Николовски при посетата на четвртата изборна единица вчера во струмичкиот крај. Тој имаше обраќања на вчерашните митинзи во Струмичко, одржани во рамки на изборната кампања на ВМРО ДПМНЕ, чиј слоган е „Вистинскиот избор! Твојот човек! Твоето место! За твојата иднина“ за локалните избори на 19 октомври,
Николоски истакна дека лидерот на опозициската СДС Венко Филипче има неколку регистрирани компании во Бугарија. Притоа го повика да даде одговор пред јавноста во врска со тие компании и да ги открие деталите за нив. Затоа што, како што нагласи Николовски, јасно е дека се работи за најголемата криминална банда во политиката на државата, а тоа е бандата на СДС.
„Венко Филипче има неколку компании регистрирани во Петрич, на улица Гоце Делчев број 4, па добро е да каже како се регистрираат тие компании, што работат тие компании, од каде профитот на тие компании и дали од докторска плата тоа се заработува.“ – посочи Александар Николовски.
,Добро е македонскиот народ да ги слушне сите овие одговори. Јасно е дека се работи за најголемата криминална банда воопшто видена во македонската политика. Се работи за луѓе, кои што ја опустошија целата држава. За да се заштитат себе си, правеа национални предавства. Затоа ни е потребна голема мобилизација на овие избори. Масовно да се излезе на 19 октомври, да гласаме за број 9 и да победиме уште во првиот круг, за да ставиме конечен крај на оваа банда.“ – кажа вицепремиерот и потпретседател на ВМРО ДПМНЕ Александар Николовски.