„Македонија не постои без Албанците – кој мисли поинаку, нека заборави!“ – кажа лидерот на ДУИ Али Ахмети вечерва во хотелот „Александар Палас“ во Скопјe на свечената академија, која ја одржа Европскиот фронт по повод 24-годишнината од Охридскиот мировен договор. Ова го објави информативниот портал на албански јазик „Тетова сот“.
Натаму порталот наведува: „Без Албанци, не може да има стабилна, одржлива држава со перспектива, што може да ја гради иднината. Секако, и другите заедници имаат свое место, no моралната и националната одговорност е на двете најголеми заедници. Со вазали државата не може да се одржува и да се управува со неа. Со аргати и измеќари само се повредува државата и не ѝ се прави добро. Ние сме за мир, ние сме за дијалог.“ – посочи Ахмети.
Тој го повтори својот повик за ветинг на политичарите. „Ако сте мажи и чесни политичари, ајде да направиме ветинг.“ – рече Ахмети.