„Актуелната состојба во Гостивар ќе биде разгледана на вонредна седница на Општинскиот совет на Гостивар. Наскоро треба да се состане кризниот штаб, каде што треба да се донесат одлуки за надминување на проблемите со зголемениот број на заболувања“, изјави градоначалникот на Гостивар, Ваљбон Лимани.
На прес-конференцијата тој нагласи дека директорката на ЈП „Комуналец“, Артана Асани, е суспендирана заедно со уште неколку лица одговорни за водоснабдувањето на градот.
Лимани ги повика институциите објективно да ја завршат својата работа и дека ќе соработуваат со нив сè додека случајот не се реши и ситуацијата не се надмине.
Локалната самоуправа ќе го објави бројот на граѓани кои не се во можност да обезбедат вода за пиење, која ќе им биде доставена поблиску до нивните домови.
Тој изрази благодарност до сите поединци кои се посветија во текот на денот за надминување на недостигот од вода за пиење. Телеграфи