Македонија

„Таа не е сама“: Шефицата на бугарската дипломатија до мајката на Ива Михајлова

Велислава Петрова ја примила Христина Михајлова во нов обид за притисок врз македонските правосудни власти

2 минути за читање

Бугарската влада ќе вложи максимални напори за да се постигне правда во случајот на Ива Михајлова, изјави министерката за надворешни работи Велислава Петрова по средбата со Христина Михајлова, мајка на Ива Михајлова, околу чие судење во Кочани за сообраќајна несреќа со еден загинат Бугарија веќе подолго време врши силен притисок на различни нивоа.

Петрова изразила институционална, но и „лична загриженост и емпатија“ за сериозната здравствена состојба на 23-годишната двојна државјанка и за „тешката ситуација во која се наоѓаат таа и нејзиното семејство“.

Министерката ја информирала Христина Михајлова за активностите што МНР ги презело досега во врска со одбивањето на македонските власти да ѝ дозволат на Ива да замине на лекување во странство. Бугарија ја обезбедува потребната поддршка за најдобра правна заштита во случајот, додала Петрова.

Шефицата на бугарската дипломатија нагласила дека Бугарија останува цврсто посветена на напорите за брзо и успешно завршување на случајот.

„Ве молам да ѝ пренесете на Ива дека не е сама и дека може да продолжи да смета на нашата поддршка во овој тежок момент за неа и за вас“, ѝ порачала Петрова на Христина Михајлова.

Случајот со Ива ескалира со неодамнешното присуство на шест бугарски пратеници на нејзиното судење и со настапите на нејзиниот татко Симеон Михајлов во бугарските медиуми, на што македонскиот премиер Христијан Мицкоски реагира со повик до соседот да го испорача бегалецот од македонската правда, осуден на 12,5 години затвор во случајот „Детонатор“.

Поврзани теми:

топ|МНР на Бугарија|Велислава Петрова|Христина Михајлова|Ива Михајлова

Повеќе на оваа тема:

Најнови вести од: Македонија

Стопанската комора бара посебен статус за транспортерите – нивно изземање од шенгенските ограничувања

Посебен статус за професионалните возачи и нивно изземање од шенгенските ограничувања што важат за туристите предлага Стопанската комора како решение за проблемот со македонските транспортери.

Мисирков: Македонците да имаат македонско гледиште, одделувајќи ги своите интереси од интересите на Бугарија – „лошиот демон за Македонија“!

„Бугарската надворешна политика е главниот извор на сите наши несреќи. Затоа не може и да се зборува за некакви арнотии од Бугарија за Македонија. … Македонци! Време е да се убедиме оти лошиот демон за Македонија не е никој друг освен Бугарија. Ете зошто треба час поскоро да си ги одделиме нашите интереси од бугарските..“ – нагласува авторот на „За македонцките работи“ Крсте Мисирков во својот реферат со наслов „Имат ли се нужда од македонцки национални научно-литературни другарства?“, кој го изнесува на денешен ден, на 28 септември 1903 година во Македонското научно-литературно другарство „Св. Климент“ во Санкт Петербург (тогаш Петроград). Тогаш идеологот на македонизмот Крсте Мисирков најдиректно ја формулирал идејата дека македонското прашање мора да има сопствен македонски глас. Истапувајќи на денешен ден пред 123 години како национален мислител од највисок ранг тој се залага Македонија да не биде предмет на туѓи политики, а Македонците сами да ја одредуваат сопствената национална и политичка позиција на Балканот – вонвременски завет и предупредување од исклучително значење во ова „евроинтеграциско време-невреме“ за македонскиот народ.

Западнонилската треска однесе живот и на 70-годишен пациент на Инфективната клиника во Скопје

Уште еден пациент со западнонилска треска во текот на викендот почина на Клиниката за инфективни болести. Се работи за 70-годишен пациент од Аеродром, кој имал повеќе заболувања. На Клиниката се хоспитализирани седум пациенти, од кои двајца се со потешка клиничка слика, изјави денеска директорот на Клиниката, д-р Фадил Цана.

Акција на МВР и АНБ: Во Скопје приведени повеќе лица, поради сомнение за тероризам

На повеќе локации во Скопје во тек е полициско-безбедносна акција во која се приведени повеќе лица поради сомнение за сторени кривични дела од областа на тероризмот, потврдија за МИА од Основното јавно обвинителство за гонење на организиран криминал и корупција.

„Политико“: „Патокази“ од ЕУ и забрзување на влезот на Украина, Молдавија, Албанија и Црна Гора, не и на Македонија!

Нов преседан на Брисел. Европската Унија првпат планира да одреди целни датуми за завршување на клучните фази од преговорите за пристапување со Црна Гора, Албанија, Украина и Молдавија, изјавија функционери од Брисел за европскиот аналитички магазин „Политико“. За Македонија нема ниту патокази, ниту сигнали за придвижување на нејзиниот евроинтеграциски процес, ниту ништо!
Сите вести од Македонија

Најнови вести

To top