„Откако ги прекина односите со едната страна, за да ѝ се приближи на другата, лидерот на ДПА Мендух Тачи потврдува дека не е постигнат никаков договор за соработка со владата и оти немаат ниедна заедничка основа. Не успеаја и разговорите со Али Ахмети.“ – нагласи лидерот на ДПА Мендух Тачи. Ова го објави ТВ Алсат во својата информација со наслов „Тачи повторно на крстопат по одвојувањето од Европскиот фронт, сега вели дека нема ништо заедничко со Владата“.
Натаму телевизијата наведува: Потврдата за прекинувањето на односите доаѓа неколку месеци, откако се појавија гласини за преговори меѓу страните, за можноста за негово вклучување во владината коалиција.
„Во последните месеци имаше поголем интензитет на разговорите, но да не ги нарекувам разговори. Двете страни, оваа влада и ДПА, бараа заеднички точки, но конечно заклучивме дека немаме воопшто ниедна заедничка точка. Констатирам денес дека е официјално затворен овој разговор. Иако покажавме желба за конструктивност, дојдовме до заклучок дека немаме ништо заедничко со политиката на оваа влада и оти нема ниту да имаме.“ – рече Мендух Тачи, лидерот на ДПА.
Но, Тачи повеќе не соработува ниту со ДУИ и Европскиот фронт. Во пресрет на локалните избори, ДПА мора да одлучи како ќе се постави на овие избори, за можните кандидати, за листи и слично. „Со жалење можам да констатирам дека не успеаја и разговорите со Али Ахмети. Нема да изнесувам многу детали сè додека не бидат потврдени овие ставови и од органите на партијата.“ – посочи Тачи.
На последните локални избори пред четири години ДПА победи само во Студеничани со Азем Садики, кој беше тогаш избран како претседател на оваа селска општина. Сега, четири години подоцна Садики ја објави својата повторна кандидатура, но овојпат како како независен кандидат. – објави Алсат.