Македонија

Таравари кажа зошто „пукна тиквата“ со ВРЕДИ и Владата

Лидерот на Алијансата за Албанците и поранешен министер за здравство, Арбен Таравари, вели дека, иако меѓуетничките односи не беа директна причина за напуштање на Коалицијата и на Владата, тие претставуваат една од главните причини што доведоа до оваа одлука. Тој објасни дека нарушувањето на меѓуетничката рамнотежа и непочитувањето на претходните договори за законот за правична […]

Лидерот на Алијансата за Албанците и поранешен министер за здравство, Арбен Таравари, вели дека, иако меѓуетничките односи не беа директна причина за напуштање на Коалицијата и на Владата, тие претставуваат една од главните причини што доведоа до оваа одлука.

Тој објасни дека нарушувањето на меѓуетничката рамнотежа и непочитувањето на претходните договори за законот за правична застапеност се индикатори дека партнерството не функционира.

„Да бидам искрен, ова не е директна причина, но е една од причините – да, ова е вистина. Имавме договор меѓу четирите партии на ВРЕДИ и премиерот за закон подготвен од Алијансата за Албанците, кој би гарантирал правична застапеност за сите заедници. Беше кажано дека ќе биде усвоен во декември, но поминаа месеци и законот никогаш не беше донесен“, нагласи Таравари.

Таравари коментираше и за прашањето за уставните измени и европскиот пат на земјата. Тој изјави дека македонската заедница треба да има ексклузивно право да одлучува за идентитетските прашања, но дека целото општество има интерес Македонија да стане дел од Европската Унија.

„Францускиот предлог беше политички искористен од ВМРО-ДПМНЕза привлекување гласачи, но суштината е договорот меѓу Македонија и ЕУ.
Време е премиерот да најде начин да ги продолжи преговорите, бидејќи земјата е во застој. Интеграцијата е во интерес на сите – Македонците, Албанците и другите заедници“, вели Таравари. Телеграфи

Мицкоски: Таравари е големо разочарување

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top