Двојно убиство и самоубиство се случи попладнево во Велес. Според информациите, младо момче со нож ја уби својата девојка и нејзиниот татко, по што самиот се убил.
– Денеска, на 15 септември 2025 година во 15 часот и 30 минути во велешката полиција е пријавено е дека на улицата „Кочо Рацин“ во Велес е пронајдено женско лице со повреди од остар предмет. На местото излегоа полициски службеници и констатираа дека се работи за Р.К.(31) од Велес, која од Итната медицинска помош е пренесена во градската болница, каде што е констатирана смрт.
Веднаш потоа во домот на нејзиниот татко К.К.(68) на истата улица е пронајден и тој починат, исто така, со повреди од остар предмет. Во домот со повреди од остар предмет е пронајден и И.С.(39) од Скопје, поранешен партнер на Р.К., за кој, според првичните информации, постои сомнение дека ги нападнал двајцата, по што сам се повредил. Откако е пренесен во болницата во Велес и кај него е констатирана смрт.
Увид врши јавен обвинител во содејство со увидна екипа на СВР Велес и се преземаат мерки за расчистување на случајот – соопштија од МВР.