Македонија

Трамп за Орбан: Јас сум негов двојник! – Орбан: Не барам САД да ги решава нашите судири со ЕУ!

„Ние сме единствената влада во Европа, која се смета себеси како современа христијанска влада. Сите други влади во Европа се во основа либерални левичарски влади. Затоа од 2010 година се обидуваме да направиме нешто, што е различно од она, кое другите го прават дури и на филозофско ниво и на ниво на пракса. Ние сме еден вид посебен остров на различност во либералниот океан во Европа и се сметаме себеси како современа христијанска влада. Тоа е соодветната категорија, за да се опише она што го правиме.“ – посочи унгарскиот премиер Виктор Орбан на заедничката прес-конференција со американскиот претседател Доналд Трамп во Белата куќа во Вашингтон..

„Орбан е почитуван од сите. Некои го сакаат и можам да ви кажам дека го сакам и го почитувам. Јас сум негов двојник. Така се води Унгарија. Тие се водени правилно и затоа тој ќе биде многу успешен на претстојните избори.“ – изјави претседателот на Соединетите Американски Држави Доналд Трамп. Орбан нагласи: „Не сум тука да барам претседателот Трамп да ги решава моите судири, или нашите судири со Европската Унија. Ова е наше прашање, сами ќе го сториме тоа. Нам ни треба да отвориме златно доба во односите меѓу САД и Унгарија. Тоа е најголемата помош, што можеме да ја добиеме од САД.“

„Европската Унија направи катастрофални грешки со мигрантите, а Виктор Орбан не направи грешка и тој е почитуван од сите. Ќе го поддржам на претстојните избори во Унгарија. Мојот пријател Орбан врши фантастична работа. Тој е многу моќен човек во својата земја и е сакан. Тој раководи со навистина одлична земја и нема криминал. Ќе разговараме за трговијата меѓу нас. Ќе разговараме малку за Русија и за Украина. Ќе разговараме за енергијата и цените на енергијата, кои во моментов во САД се многу ниски. – укажа американскиот лидер на оваа прес-конференција. 

Според Виктор Орбан, „се отвара ново поглавје во заемните односи меѓу Унгарија и САД, кои во време на демократската администрација беа уништени“. „Ова е златно доба меѓу САД и Унгарија. Имаме многу предлози за економска соработка, воена соработка и за политичка соработка. Ние сме соседи на Украина, која е во војна, и тоа е најважното прашање за нас и би сакале да разговараме со вас како можеме да придонесеме, за да ви помогнеме во вашите мировни напори.“ – напомна Трамп, обраќајќи му се и на Трамп.

Запрашан дали САД ќе направи исклучок за Унгарија во врска со нафтата што доаѓа од Русија Трамп одговори потврдно. Новинар го праша Трамп: Дали се согласува дека оваа средба е симбол на зајакнувањето на новата конзервативна светска алијанса и како ја гледа иднината на Европа, имајќи ги предвид луѓето како Орбан, кои им се спротивставуваат на бриселската бирократија и глобалистичката агенда?

„Орбан е одличен лидер и е почитуван насекаде. Но тоа не значи дека е сакан од некои од лидерите. Но тие лидери се покажаа како промашени. Ако го погледнете неговиот став за имиграцијата и за други работи, а потоа ако ја погледнете Европа, ќе видите дека во Европа направија огромни грешки во врска со имиграцијата. Тоа навистина им штети. А Орбан не направи грешка во врска со имиграцијата. Тој е почитуван од сите. Некои го сакаат и можам да ви кажам дека го сакам и го почитувам. Јас сум негов двојник. Го сакам и го почитувам и така се води Унгарија. Тие се водени правилно и затоа тој ќе биде многу успешен на претстојните избори.“ – одговори американскиот претседател Доналд Трамп.

На прашање „која е пораката на Трамп до ЕУ, која сака да ги наметне своите политики кон Унгарија“, Трамп одговори „дека треба да го почитуваат Орбан многу силно, бидејќи тој беше во право за имиграцијата“.

„Погледнете што се случи со Европа со имиграцијата. Имаат луѓе, што ја преплавуваат Европа насекаде и тоа ѝ штети. Стапките на криминал се многу зголемени. Се случуваат многу лоши работи. Стапките на криминал во Унгарија се многу ниски. Тие се исти како што беа секогаш, што е многу малку криминал. Бидејќи тој ја задржа Унгарија онака како што треба да биде. Европа, мислам, не сакам да навлегувам во поединечни земји. Сите тие се мои пријатели. Тие грешеа. Ја преплавуваат Европа со луѓе од целиот свет и Европа станува поинакво место. Им велам постојано на лидерите дека е  подобро да престанат, или повеќе нема да ја имаат Европа. Тоа што го прават е многу опасно.“ – укажа Трамп.

Орбан додаде дека бројот на нелегални имигранти е нула, затоа што никој не може да влезе на територијата на Унгарија без да добие дозвола од унгарските власти. „Ова е едноставна регулатива. Која е последицата од тоа? Ние сме под санкции, финансиски санкции од ЕУ, затоа што не дозволуваме нелегалните миграанти да дојдат во Унгарија, а исто така и во ЕУ. Мора да плаќаме секој ден по еден милион евра како казна на бриселскиот буџет, затоа што ги запревме мигрантите. Ова е апсурдниот живот, што го живееме сега во Европа.“ – рече унгарскиот премиер Виктор Орбан на заедничката прес-конференција со американскиот претседател Доналд Трамп во Белата куќа во Вашингтон.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top