Македонија

Угостителите збунети од новиот закон за пушење

Секторот кој вработува десетици илјади луѓе во страв од новиот закон за пушење

 

Новиот закон за заштита од пушење ќе биде оценет како катастрофален за корисниците на цигари и други средства за уживање на тутунски производи но најмногу штета може да почувствуваат угостителите.

Дел од нив се плашат дека со законот ќе се намали работата во кафеаните и угостителските објекти кои ќе мора да обезбедат забраната да се почитува инаку ќе се плаќаат казни.

Од друга страна тој се гледа како шанса за опоравување на нацијата од болестите поврзани со пушењето.

 

Законот предвидува целосна забрана во сите затворени јавни простори, ограничување на електронски цигари и ароматизирани тутунски производи, како и целосно скривање на цигарите во маркетите.

Македонија се подготвува за радикален пресврт во законот за забрана на пушење. Според новиот предлог-закон, забраната ќе важи во сите затворени јавни простори, а увозот и продажбата на тутунски и никотински производи ќе бидат драстично ограничени. Цигарите целосно ќе се тргнат од видното поле на купувачите во маркетите, овјави Телма.

 

Законот е скроен и наскоро ќе биде ставен на јавна расправа. Во сегашната верзија се предвидуваат ригорозни правила за сите затворени јавни институции и угостителски објекти.

„Забраната важи за сите угостителски објекти за исхрана, вклучувајќи ресторани, барови, меани и кантини“, се наведува во предлог-законот.

Пушењето ќе биде забрането и на терасите на кафеаните, доколку тие не се целосно отворени од најмалку три страни. Забрана ќе важи и во автомобил во присуство на дете, на автобуски и железнички станици, пазари и редица други јавни простори.

 

Истата забрана ќе важи и за сите видови електронски цигари и вејп уреди, а дополнително се забранува користење ароматизирани тутунски производи.

„Се забранува производство, увоз, дистрибуција, продажба и ставање во промет на тутунски и никотински производи кои содржат ароми или вкусови“, се наведува во предлог-законот.

Исто така, цигарите, било обични, било електронски, ќе бидат целосно скриени и нема да смеат да се рекламираат или да бидат видливо изложени на рафтовите.

 

Министерството за здравство, кое го подготви законското решение, посочува дека целта е заштита на граѓаните и спречување на здравствена катастрофа.

 

– Со предлог-законот се предвидува воведување појасни и построги правила за заштита на здравјето на граѓаните, со фокус на превенција и заштита на децата и младите. Целта е намалување на изложеноста на чад и аеросоли и спречување на нови генерации зависници – велат од Министерството за здравство.

 

Според податоците од Фондот за здравство, стапката на пушење кај возрасни надминува 45%, што е далеку над европскиот просек. Половината од пушачите консумираат повеќе од 20 цигари дневно, а годишно околу 4.000 лица умираат од болести поврзани со пушењето.

 

Со воведувањето на овие построги мерки, Македонија се стреми да се приближи кон европските стандарди за заштита од тутун, да го намали бројот на пушачи и да спречи создавање нови генерации зависници.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top