Минатиот викенд 17-19 април во Хотел Континетал во Скопје, се одржа Третиот меѓународен конгрес на Македонското здружение на медицински сестри на анестезија, реанимација и интензивна нега- МЗМСАРИН.
Третиот конгрес на МЗМСАРИН ја покажа силната поддршка од членство во Македонија, како и од голем број предавачи и гости од Србија, Хрватска и Словачка.
Во текот на овие 3 дена беа присутни повеќе од 300 учесници, колешки и колеги од скоро сите јавни и приватни здравствени установи од земјава и регионот, и имаа можност да проследат 32 презентации, работилници и панел дискусии, каде се покажа обединетоста на медицинските сестри во желбата за континуирана едукација и професионален развој.
Посебна гордост ни претставува тоа што на овој конгрес можеме да го најавиме членството на МЗМСАРИН во European Specialist Nurses Organisation и World Patients Alliance – реномирани меѓународни здравствени организации, кои ја препознаваат важноста на сестринската професија во Македонија и заложбата за подобра здравствена грижа.
МЗМСАРИН, како стручно здружение, е формирано во август 2022 година и во изминатиот период континуирано работи на развој и афирмација на медицинските сестри анестетичари и сестрите од одделите за интензивна нега. За релативно краток временски период, здружението покажа дека со јасна визија и силна посветеност може да се постигнат значајни резултати.
Зад МЗМСАРИН стојат три успешно организиранимеѓународни конгреси, четири едукативни работилници и две стручни средби, кои поставија нови насоки за континуираниот професионален развој на анестетичарите и сестрите интензивисти во Република Македонија.
Упатуваме искрена благодарност до сите помагатели и спонзори, без чија поддршка реализацијата на овој конгрес немаше да биде возможна.
Организационот и Стручниот одбор на МЗМСАРИН упатува искрена благодарност до сите предавачи кои со своето знаење и искуство придонесоа за квалитетна и инспиративна програма, како и благодарност и до сите учесници кои со своето присуство го направија овој настан значаен и успешен.