Македонија

Вандализам во Македонска Каменица: оштетени урбана опрема во Паркот на рударите и демолиран градскиот јавен тоалет!

Зошто?! Уништување јавен имот на општината, од корист и потреби на сите граѓани, заради нечија „забава“?!

1 минута за читање

Градоначалничката на Општина Македонска Каменица Соња Стаменкова преку објава на фејсбук информира дека во текот на изминатите денови се регистрирани нови случаи на вандализам врз јавниот имот на територијата на општината.

На терен како што соопшти таа е утврдено оштетување на урбаната опрема во Паркот на рударите, како и значителна штета на градскиот јавен тоалет лоциран кај автобуската станица, каде е уништена влезната врата и дел од внатрешниот инвентар.

Стаменкова, ги осуди ваквите појави, посочувајќи дека уништувањето на јавниот имот претставува директен напад врз заедничките ресурси на граѓаните и врз напорите на локалната самоуправа да создаде уредена и безбедна урбана средина.

-Овие чинови се недозволиви и нанесуваат штета која сите ја плаќаме. Апелираме до надлежните институции случаите да бидат расчистени, сторителите пронајдени и санкционирани согласно законот. Јавниот имот е заедничка одговорност и мораме да го чуваме, истакна Стаменкова.

Општината упатува јавен повик до граѓаните активно да пријавуваат вакви појави и да дадат свој придонес во зачувување на јавните површини, со цел да се обезбеди достоинствен изглед на градот и сигурна околина за сите жители.

Поврзани теми:

актуелно|избор|Македонска Каменица|вандализам

Повеќе на оваа тема:

Најнови вести од: Македонија

Интервју: Глупост е Самуил да се враќа во Бугарија, тој таму никогаш и не бил, вели професор Атанасовски

Професорот Александар Атанасовски, чија специјалност е средниот век, вклучително и времето на Византија и Самуиловото Царство, беше гостин во емисијата Радио Точка, во рамки на програмата Хоризонт на Бугарското национално радио БНТ. Централна тема – договорот меѓу Бугарија и Грција за пренесување на наводните коски на цар Самуил од Солун во Софија.

(Фото): Означен стартот на 22. издание на „Виз Ер Скопски маратон“, улиците преполни со учесници

Град Скопје е покровител на спортската манифестација, а градоначалникот вели дека градските служби се подготвени да ја обезбедат потребната поддршка за нејзино успешно одржување.

Пола Скопје ќе биде затворено за сообраќај – стартува 22. издание на „Виз Ер“ Скопскиот маратон

Од Министерството за внатрешни работи апелираат граѓаните да го избегнуваат движењето по овие сообраќајници во периодот од 06:00 до 14:00 часот и да ги почитуваат наредбите на полициските службеници на терен.

(Видео): Државата е енергетски стабилна, се очекува поевтинување на горивата, вели Мицкоски

Државата не е голем потрошувач на гас и постои план за справување со можните предизвици, велат од Владата. Премиерот кажа и дека разговарал со големите нафтени компании. Премиерот очекува и поевтинување на горивата веќе од следната недела.

Во пресрет на грејната сезона – парно, струја, дрва: Што најмногу го празни џебот?!

Најефикасното, но и најскапо современо решение е топлотна пумпа систем воздух-вода. Оваа инвестиција бара помеѓу 6.500 и 9.000 евра, иако потоа месечната потрошувачка на струја за целата куќа е приближна на трошокот за два инвертер уреди. За домаќинствата кои немаат буџет за вакви системи, поставувањето на три поквалитетни инвертер клими со инвестиција од околу 2.500 евра.

Секоја десетта цигара во ЕУ е нелегална, црниот пазар ја опфаќа и Македонија

Предизвик за европските институции не е само растот на нелегалното производство, туку и неусогласениот начин на кој земјите му се спротивставуваат. Националните системи за контрола и спроведување значително се разликуваат, кривичните дела и казните не се доволно хармонизирани, а и натаму постојат празнини во соработката и размената на информации меѓу надлежните институции.
Сите вести од Македонија

Најнови вести

To top