Македонија

Веќе се продадени 912 пакувања со отров: АХВ ги предупредува родителите веднаш да го вратат бебешкиот производ

Агенцијата за храна и ветеринарство (АХВ) спроведе вонредна инспекциска контрола кај увозник на бебешка формула откако доби официјално предупредување од Европската Унија за небезбеден производ кој веќе бил пласиран на македонскиот пазар. Станува збор за APTAMIL AR 2 – 912 пакувања веќе биле продадени, родителите повикани на итна претпазливост.

Станува збор за бебешката формула APTAMIL AR 2 (ENG 24×400 g), серија 2027.01.02, во количина од 912 пакувања, со потекло од Ирска, кај која е утврдено присуство на опасниот токсин цереулид. Како извор на контаминацијата е посочено маслото ARA, информираат од АХВ.

Од Агенцијата велат дека при контролата било утврдено дека целата количина веќе е дистрибуирана на пазарот, односно производот не бил пронајден во магацините на увозникот. „Операторот со храна веднаш ја информираше Агенцијата и јавноста, а во тек е итно повлекување на производот од продажба. Наш приоритет е заштитата на здравјето на најмладите“, соопштија од Агенцијата за храна и ветеринарство.

Од АХВ апелираат до сите родители кои го имаат купено овој производ да не го користат и веднаш да го вратат на местото каде што е купен. „Ги повикуваме потрошувачите внимателно да ја проверат серијата и рокот на употреба. Доколку се работи за наведената серија, производот не смее да се употребува“, нагласуваат од АХВ.

Во однос на информациите за повлекување на повеќе брендови бебешки формули од компанијата „Нестле“ во други европски земји, од Агенцијата информираат дека се вршат проверки дали тие производи се увезени и кај нас, иако засега нема официјално предупредување преку европскиот систем за брзо известување. „Ја следиме состојбата постојано и доколку се појави ризик, ќе реагираме веднаш со соодветни мерки за заштита на здравјето на бебињата“, порачуваат од АХВ.

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top