Пратеникот Антонио Милошоски за Алсат ТВ ги анализираше причините зошто бегалецот од македонската правда Артан Груби решил токму денеска да им се предаде на органите на прогонот на Македонија на граничниот премин Блаце со Косово по речиси 14 месеци бегство од државата.
„Веројатно во изминативе 12 или 14 месеци имал време да процени дека нема да има брзи политички промени на власта во Македонија. Тоа што ДУИ го очекуваше или го најавуваше по нивниот пораз на изборите. И тоа може да биде една и од мотивациите на господинот Груби да не одолговлекува и да се пријави на органите на прогонот“, изјави Милошоски.
Членот на Извршниот комитет на ВМРО-ДПМНЕ и поранешен министер за надворешни работи дрга причина гледа во тоа што Груби е лице на црната листа на САД.
„Која било земја, каде и да престојувал, без да прејудицирам, не верувам дека е расположена бесконечно да му овозможи гостопримство. Дипломатскиот притисок од една или од друга страна може да биде скап за таа земја која што би била домаќин на еден ваков човек којшто е осомничен“, објасни Милошоски.
Третиот мотив на поранешниот вицепремиер тој го гледа во немањето најдобри релации со власта во Косово.