Дали се уште постојниот градоначалник на Кичево и кандидат на ДУИ за четврти таков мандат Фатмир Дехари смета дека овој град и општина се некаква „етничка сопственост“ на Албанците и на неговата партија? Бидејќи, организацискиот секретар на ДУИ и поранешен вицепремиер Артан Груби, сега веќе бегалец од правдата, на предизборен митинг на ДУИ во Кичево спроти локалните избори во 2021 година ќе каже: „Кичево е воен плен од 2001 година и Македонец не смее да биде градоначалник на Кичево!“
„Нека се вее албанското знаме над Кичево, да се мобилизираат Албанците!“ – објави градоначалникот на Кичево Фатмир Дехари на фејсбук, заблагодарувајќи им се за поддршката на своите сонародници и сограѓани. Ова го објави информативниот портал на албански јазик „Тетова сот“.
Натаму, покрај другото, порталот наведува: Покрај оваа порака, Дехари упати и повик за обединување на Албанците и за посветеност кон општината. Тој е градоначалник на Кичево од 2013 година.