Македонија

(Видео): Американскиот претседател го пофали храбриот маж кој го совлада едниот напаѓач во Синднеј

Големите градови, вклучувајќи ги Берлин, Лондон, Њујорк и Варшава, ја засилија безбедноста околу настаните за Ханука по нападот врз еврејската заедница на плажата Бонди во Сиднеј.

3 минути за читање

Американскиот претседател Доналд Трамп го нарече нападот на плажата Бонди во Австралија, „страшен“ и „антисемитски“, а притоа го пофали храбриот маж кој го совлада едниот напаѓач.

  • Сакам да им изразам почит на сите. На Австралија и на премиерот, на сите со кои имаме одличен однос. Тоа што се случува таму е страшна ситуација – додаде Трамп.

Тој посебно го пофали, како што рече, мошне, мошне храбриот човек кој го нападна едниот напаѓач и спаси многу животи.

  • Голема почит за тој човек што го направи тоа – рече Трамп.

Граѓанинот кој за време на пукањето на плажата во Синдеј физички го совлада и го разоружа едниот напаѓач е идентификуван како 43-годишниот Ахмед ал Ахмед, трговец со овошје од предградието Сатерленд. Ахмед, татко на две деца, е тешко повреден со два куршума по интервенцијата на полицијата.

  • Се наоѓа во болница и не знаеме точно каква му е состојбата. Се надеваме дека сѐ ќе биде добро. Тој е херој, 100 отсто – изјави роднина на Ахмед.

Според првите информации, Ахмед треба да биде опериран. Се наведува дека немал никакво искуство со огнено оружје и во моментот на нападот случајно бил во близина и решил да реагира.

На снимките што кружат на социјалните мрежи се гледа Ахмед, облечен во бела маица, како се крие зад автомобилот на паркингот недалеку од едниот напаѓач. Во моментов на затишјето, тој однеднаш потрчува кон напаѓачот, го зграпчува зад грб околу вратот и по куса борба успева да му ја одземе пушката. Напаѓачот паѓа, а Ахмед го насочува оружјето кон него додека овој почнува да се повлекува кон мостот. На други снимки направени подоцна се гледа како Ахмед седи на земја а минувачи му помагаат поради повредета на ногата.

Израелскиот премиер Бенјамин Нетанјаху денеска изјави дека го предупредил својот австралиски колега, Ентони Албанезе, дека политиките на неговата земја го поттикнуваат антисемитизмот. Нетанјаху рече дека пукањето е „ладнокрвно убиство“ и дека антисемитизмот „се шири додека лидерите молчат“.

  • Мора да ја замените слабоста со акција – рече израелскиот премиер.

Големите градови, вклучувајќи ги Берлин, Лондон, Њујорк и Варшава, ја засилија безбедноста околу настаните за Ханука по нападот врз еврејската заедница на плажата Бонди во Сиднеј, додека Москва, првпат од 1991 година, не ја запали осумкраката менора.

Британскиот крал Чарлс Трети, исто така, го осуди нападот.

  • „Мојата сопруга (кралицата Камила) и јас сме згрозени и тажни“ од овој „ужасен антисемитски терористички напад врз Евреите“, напиша тој на „Х“.

Поврзани теми:

инцидент|хорор|Сиднеј|топ|убиство|трамп|хроника|свет|оружје|напад

Повеќе на оваа тема:

Најнови вести од: Македонија

Македонската култура во фокусот на 35. Меѓународен саем на книгата во Абу Даби

Во рамки на програмата „Балканска култура – почесен гостин“, Македонија на посетителите им претставува дел од своето богато и повеќеслојно културно наследство, како и современата книжевна продукција

Модернизиран команден центар, „Безбеден град“ ставен во функција во Велес

Новиот команден центар е сместен во целосно реконструирани и реновирани простории кои во минатото биле користени од Министерството за одбрана, а потоа околу 15 до 20 години не биле во употреба. Со нивното ставање во функција, СВР Велес добива современ простор од кој се реализираат активностите поврзани со системот „Безбеден град“

Крст во чест на 63-те жртви од „Пулс“ поставен на влезот во Кочани

Овој крст ќе нè потсетува и на болката и трагедијата што се случи овде во нашиот град. На повредените нека им подари здравје, сила и поткрепа да закрепнат и дај Боже постојано да останеме во заедница, во љубов со Бога, со силата на крстот

СДСМ бара истрага за 5,5 милиони евра за прославата

Пет милиони евра народни пари кога ќе се потрошат, граѓаните мора да знаат секој денар, секое евро каде завршило. Владата мора да ги објави договорите, анексите, фактурите, банкарските исплати, примателите, изведувачите, добавувачите и пресметаните даночни обврски

Мицкоски: Потврдувањето на кредитниот рејтинг од страна на „Фич“ е уште една лоша вест за опозицијата

​Три години водат кампања дека секоја година само што не сме банкротирале, буџетот бил без пари, економијата назадувала и така натаму. ​Одговорите стигаат од сите страни, од Светска банка, од Меѓународниот монетарен фонд, еве и од сега од реномирани кредитни агенции како што е „Фич“
Сите вести од Македонија

Најнови вести

To top