Македонија

(Видео): Ужичко оро среде граница – новиот систем за патување го зголеми метежот кон јужниот сосед

Ужичко оро на македонско-грчката граница. Новиот систем за патување наместо да ги намали, го зголеми метежот на границата со јужниот сосед. Чекањето со часови не им претставувало проблем на 14.000 наши државјани кои отпатувале на продолжен викенд – велат туристичките работници. Иако, првичната цел на системот беше да се зајакне контролата за денови на престој, сепак на враќање не се вршело скенирање.

2 минути за читање

Километарски колони се создадоа вчера на граничниот премин Евзони, па некои од туристите од Србија го искористија времето на чекање за да играат оро. На видеото што се шири преку социјалните мрежи се слуша како ечи музика, луѓе се веселат и се фаќаат на орото, додека во позадина се гледаат колоните од возила и автобуси.

  • „Фолклорашите се враќаат од турнеја“, пишува еден граѓанин во коментар.
  • „Најдобар начин да се носите со тоа (чекањето) е со музика и играње. Се надевам наскоро ќе заврши ова патешествие на Евзони“, дополни друг.
  • „Па, кога се чека по 10 часови на граница, подобро е да играш“, напиша трет.

По изминатиот продолжен викенд, вчера во попладневните и вечерни часови, илјадници туристи враќајќи се кон дома, предизвикале долги колони возила. Според информации и сведоштва на патници објавени на социјалните мрежи, најголеми гужви биле регистрирани токму на преминот Евзони-Богородица, каде чекањето достигнало меѓу 3-5 часови, при што сообраќајот се одвивал особено бавно, а колоните возила биле километарски.

Надлежните преговараат со земјите од Западен Балкан за изземање на нашите патници од новиот системот за патување во период на зголемена фреквенција и на техничко и на највисоко ниво, но сè уште нема одговор. Постои подготвеност кај земји членки на ЕУ да покажат флексибилност кон регионот.

Покрај Евзони-Богородица, метеж имало и на граничниот премин Дојран, каде чекањето било околу еден час. За Грција, покрај македонските туристи, традиционално значително присуство имаат и српските патници.

Како една од причините за застојот се наведува и примената на новиот европски систем за влез и излез (ЕЕС), кој воведува дополнителни проверки и биометриска регистрација на патниците, што го забавува граничниот проток.

Поврзани теми:

актуелно|Грција|граница|оро|ЕСС

Повеќе на оваа тема:

Најнови вести од: Македонија

ОМО „Илинден“ – Пирин: Гоце умре, но не и неговата идеја! Ја чуваше чистотата на македонското дело со посебна жар!

„Гоце Делчев е светилникот на македонската слобода. Пред 123 години згасна неговиот живот, но не и неговата идеја. Делчев не е само име во историјата, тој е вечна искра што ги буди генерациите. Да се поклониме пред неговата жртва и да ја чуваме Македонија со истата љубов и решителност со која тој ја бранеше.’ – објави ОМО „Илинден“ – Пирин, нполитичката организација на Македонците од Пиринскиот дел на Македонија, денес во Бугарија, преку својот фејсбук-профил.

Ќулафкова: Стана „престижно“ да се омаловажува Делчев, но тој беше важен чинител за политичкото созревање на македонската нација и за слободата на Македонија!

„Стана ‘престижно’ да се омаловажуваат македонските историски личности, вклучително и Гоце Делчев. Историската свест како да е ставена на операционен стол за ампутација на чувствителните делови, а нив ги има. Да кажат тие пациенти која нација – држава во Европа и Азија е создадена без контакт на историското со митското време? Секоја култна историска личност прераснува во мит. Митот тешко се претвора во историја, но и тоа се случува. Гоце е и историски факт, но и култна личност е, затоа што со својата дејност за слобода и самостојност на Македонија и Македонците бил важен чинител на политичко и револуционерно созревање на македонската нација.“ – реагира академик Катица Ќулафкова преку својот фејсбук-профил.

„Епохална“ изјава на Филипче: Да беше жив Гоце Делчев, денес сигурно лично ќе се бореше против ВМРО ДПМНЕ и Мицкоски?!

„Ако Гоце Делчев денес беше жив, би се срамел од оние што се повикуваат на неговото име додека уништуваат сè за што тој се бореше. Гоце Делчев се бореше за слободна и праведна Македонија. Денешното ВМРО ја претвори државата во плен, а граѓаните во заложници на својата корупција и власт. Тој лично би се борел против Мицкоски, против оваа денешна криминална група ВМРО и сè она што тие го претставуваат!“ – рече лидерот на СДС Филипче во изјава за новинарите.

Откако е пуштен на условен отпуст, Чавков бара правна потврда дали судењата биле без влијанија кога беше осуден за наводен „тероризам“ во случајот „27 април“!

Поранешниот министер за внатрешни работи, Митко Чавков кој беше осуден за случајот „27 април“ денеска е пуштен на условен отпуст, потврди за Македонската информативна агенција – МИА директорот на Затворот во Штип Дејан Здравков. Чавков излегол од штипскиот затвор денеска околу 10 часот. На својот фејсбук-профил Чавков денес нагласува дека е „потребен јасен и доверлив процес за правна потврда на најспорните постапки“. „НЕ РЕВИЗИЈА на пресуди, туку проверка дали постапките биле ФЕР, НЕПРИСТРАСНИ и ослободени од влијанија.“ – нагласи Митко Чавков денес по пуштањето на условен отпуст.
Сите вести од Македонија

Најнови вести

To top