Под влијание на многу топла воздушна маса од југ, за време на викендот и во текот на наредната седмица времето ќе биде претежно сончево и многу топло со пораст на дневната температура. Особено топло ќе биде од недела кога дневната температура насекаде ќе биде над 30°C, а наместа ќе достигне 40°C.
Денеска сончево и топло. Ќе дува слаб до умерен ветер од североисточен правец. Минималната температура ќе биде во интервал од 10 до 20, а максималната ќе достигне од 31 до 38 степени.
Во Скопје, сончево и топло. Ќе дува слаб до умерен ветер од североисточен правец. Минималната температура ќе се спушти до 18, а максималната ќе достигне до 37 степени.
Институтот за јавно здравје препорачува температурата во просторијата за време на топло време да се одржува околу 25 степени. ИЈЗ исто така препорачува помеѓу 11:00 и 17:00 часот да престојувате во ладни средини и да не излегувате надвор непотребно.
Во текот на овие денови се препорачува граѓаните да консумира што е можно повеќе течности, избегнувајќи алкохол и зашеќерени пијалоци…
.