Македонија

Започна штипската „Пастрмалијада“

Започна 17. издание на традиционалната манифестација

3 минути за читање

Со сечење на огромна пастрамајлија на шеталиштето „Ванчо Прќе“ започна 17-тото издание на штипската манифестација „Пастрмалијада“.

По тој повод, во Штип беше присутен вицепремиерот и министер за транспорт и врски, Александар Николоски, заедно со пратениците во Собранието, Никола Мицевски и Душко Иванов.

Николоски нагласи дека ваквите настани и манифестации се клучни за локалните економии, бидејќи посетата од страна на граѓаните ќе донесе влез на неколку милиони евра во градот и за бизнисите. “Мислам дека градоначалникот прави одлична работа. Сакам да му честитам за ова што го прави досега и убеден сум дека следниот период ќе има уште поголеми успеси и работи. Посакувам убава дружба и убави моменти да имаат не само штипјани, туку сите кои ќе ја посетата манифестацијата,” изјави Николоски.

Тој потенцираше дека Владата продолжува да го поддржува Штип, а бројни инфраструктурни проекти се во тек на реализација во делот на патната мрежа, како и во делот на канализациски и водоводни системи и во делот на образованието. “Работиме и големи проекти, знаете дека интензивно се работи на браната Отиња, но исто така и на целосна урбанизација околу браната. Она што е Мавровското езеро за западна Македонија треба да стане браната Отиња за источна Македонија. Штип покрај универзитетски, бизнис центар стане и туристички центар за овој дел на Македонија и во таа насока е урбанизацијата на делот околу бањата Кежовица и таму има голем туристички потенцијал. Така што навистина имаме големи планови за Штип, дел се реализираат, дел се во процес на реализација и секога тука доаѓам со задоволство и заедно со пратениците и градоначалникот работиме на реализација на проектите,” вели Николоски.

Градоначалникот на Општина Штип, Иван Јорданов, истакна дека во следните два дена Штип ќе биде домаќин на голем број посетители од земјата, но и од странство. “Она што сакам да го потенцирам Штип наредните денови ќе има прилив на средства кои ќе ја поддржат локалната економија, всушност тоа е суштината на одржување на „Пастрамалијадата“, како манифестација. Така да се надевам и убеден сум дека штипјани во наредните денови ќе бидат добри домаќини и дека ќе ги угостиме сите посетители не само од другите градови, туку и од другите држави,” рече Јорданов.

Тој додаде дека соработката со Министерството за транспорт и врски и со Владата е голема, и воедно се заблагодари на вицепремиерот, кој, не само на отворањето на манифестацијата, деновиве ќе биде присутен и на многу други случувања, кои ќе се организираат во Штип, во насока на развој на нашиот град.

Поврзани теми:

викенд|пастрмалијада 2025|градоначалникк|Штип|вицепремиер

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!

Османи ќе се „жали“ во ЕУ за „влошувањето на меѓуетничките односи и кршењето на Охридскиот договор“, но и за евроинтеграцијата

„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.
Сите вести од Македонија

Најнови вести

To top