Во јавните здравствени установи во Гостивар во текот на вчерашниот ден лекарска помош побарале вкупно 73 пациенти.
Во Општата болница „Д-р Ферид Мурад“ во Гостивар биле извршени 45 нови прегледи. Од нив, 26 пациенти биле прегледани на Инфективното одделение, при што двајца биле задржани на болничко лекување, а 18 прегледи се реализирани на Одделението за педијатрија.
Во моментот на Инфективното одделение се хоспитализирани двајца пациенти, додека уште двајца се наоѓаат на лекување на Одделението за педијатрија.
Во меѓувреме, во дежурната служба на Здравствениот дом Гостивар се регистрирани уште 28 нови прегледи. Здравствените власти продолжуваат да ја следат состојбата и апелираат граѓаните навремено да побараат медицинска помош доколку почувствуваат симптоми, информираат од Министерството за здравство.