Македонија

Владејачкото мнозинство се зголемува, вицепремиерот за добро владеење ќе нема ресор

Претседателот на Владата

Реконструкцијата што ја правам како мандатар на Владата на половина од мандатот, всушност значи нова енергија, вели премиерот Христијан Мицкоски.

– Јас веќе го коментирав принципот на оваа реконструкција, не секогаш треба да менуваме затоа што имаме помала испорака од очекуваната, но исто така секогаш можеме да бидеме подобри од тоа што сме. Тука немам никаква дилема. Понекогаш имаме и промена на приоритетите во рамките на самата коалициона влада и мислам дека оваа реконструкција е комбинација од сите овие столбови за кои што зборувам. Пред членовите на ИК ќе го образложам предлогот со кој што би излегол во парламент, бидејќи таква е процедурата и праксата, како мандатар најпрво да се добие поддршка од страна на ИК на партијата за предлогот, а потоа да излезам пред пратениците да го браниме – рече Мицкоски во гостување на Телма.

На прашањето кои ресори ќе ги добие ВМРО-ДПМНЕ, а кои ќе ги задржи, Мицкоски рече дека добиваат две министерства и тоа за здравство и за социјална политика, демографија и млади.

– Коалициониот партнер Вреди ќе ги добие ресорите култура и правда и Министерството за односи со заедниците. Министерството за земјоделство ќе оди во рацете на ЗНАМ, тие ќе добијат уште еден дополнителен заменик-министер откако ќе дојдат замениците на дневен ред, а тоа е веќе на есен од септември – рече Мицкоски.

Тој најави зголемување на владиното мнозинство со уште една партија од опозицијата, Турската Демократска Партија, која има пратеник во Собранието.

– Ќе ги информирам членовите на Извршниот комитет дека во полн ек се преговорите со Турската Демократска Партија да биде дел од владината коалиција, односно да бидам уште подиректен, да биде дел од коалицијата којашто ја предводи ВМРО-ДПМНЕ како најголем партнер во рамките во владината коалиција – нагласи премиерот Мицкоски.

Тој посочи дека со приклучувањето на ТДП владиното мнозинство се зголемува со уште еден пратеник кој претходно беше во опозицијата во рамките на Европскиот фронт.

– Очекувам овие разговори да завршат успешно, разговараме за подолг период, за период којшто би завршил со завршувањето на локалните избори во 2029 година. Така што принципиелно на овој начин би се формирал новиот владин кабинет. Во прва фаза би имале некаде околу смени, во зависност како ќе се завршат преговорите со ТДП, така ќе имаме дополнително уште еден член во рамките на владината коалиција. Потпретседателот за добро владеење нема веќе да има како ресор во рамките на влада, туку тоа портфолио директно ќе биде под ингеренциите на претседателот на Владата – потенцираше премиерот Мицкоски.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top