Македонија

ВМРО ДПМНЕ: Кога СДС говори за корупција нека си го исчисти прво дворот, полн со криминалци! – Македонија предводи со реформите во регионот!

Од Планот за раст за спроведени реформи 65,7 милиони евра се за Македонија и нејзината Реформската агенда, најмногу од целиот регион, а кога СДС говори за корупцијата нека почне прво со чистење на својот двор кој е полн со криминалци!“ – истакнува ВМРО ДПМНЕ во своето соопштение.

Натаму владејачката македонска партија наведува: Лидер во Реформската агенда за Западен Балкан е Македонија. Не Црна Гора која е предводник за влез во ЕУ, не Албанија за која исто така се вели дека е предводник, не Србија, Босна и Херцеговина или Косово. Туку Македонија е предводник.

Од 4 извештаи за Реформската агенда, Македонија 3 пати е на првото место во исполнување на реформите. Последен доказ за тоа се доделените 65,7 милиони евра за Македонија од Европската комисија за остварување на реформите. Ако не правите реформи нема да има пари. Со тоа што имаме најмногу добиено од цел регион, тезата на СДС пропаѓа во вода. А токму тоа им смета на СДС, кои не знаат како да се однесуваат кога некој во државата работи во интерес на граѓаните. Тие се навикнати на неработа, на крадење и на местење тендери, договори и анекси.

Кога говорат за корупцијата и криминалот, ги посочуваме да погледнат во својот двор. Имаат човек во Извршниот одбор кој е осуден на 8 месеци затвор, Филип Андов – Сокол. Поранешен потпретседател на СДС и дете на Заев, Стефан Богоев фатен со мито за местење тендер. Поранешен градоначалник на општина Свети Николе од редовите на СДС, добил кривична пријава за злоупотреба на службената положба. Поранешниот функционер на СДС, Васко Ковачевски, избеган во странство поради криминал. Модуларната болница во Тетово, поради 20% анекс на договор кој го потпишал Филипче се запали и изгореа 14 наши сограѓани.

Корупцијата и криминалот е во сржта на СДС, порачува ВМРО ДПМНЕ.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top