Македонија

Во Битола поставен споменикот на војводата Александар Турунџев (ВИДЕО)

Споменикот и официјално ќе биде ставен во функција на 120-годишнината од погубувањето на великанот на МРО на 30 август

2 минути за читање

По осум години поминати во дворот на Општина Битола, споменикот на војводата Александар Турунџев е поставен на новоизградениот кружен тек кај Ветеринарната станица, во близина на Ат-пазарот, кадешто истакнатиот воин на Македонската револуционерна организација е обесен на 30 август 1905 година.

Во наредните три седмици ќе се уреди и просторот околу споменикот изработен од Ѓорѓи Димовски, излеан во бронза, висок три метра и тежок 500 килограми, па тој и официјално ќе биде ставен во функција на 120-годишнината од ликвидацијата на великанот роден 1872 година во селото Горно Врбени, Егејска Македонија.

Тажната судбина на јунакот што се борел против грчката пропаганда, а бил заробен и егзекутиран по едногодишна робија во турски затвор, откако го предал божемниот пријател Митре Гинков за 150 жолтици, е опеана во песната „Црно му било пишано“.

По 16 од 33 години живот посветени на борбата за Македонија, Турунџев оставил таков белег врз македонското револуционерно дело што 3.000 битолчани ја следел поворката на чело со запрежната кола во која го превезувале до местото на извршување на смртната казна.

Непосредно пред самиот да си го стави јажето околу вратот и да скокне во смрт од кошарата на која бил качен, Турунџев извикал „Македонија ќе биде слободна!“.

 

 

 

 

Поврзани теми:

војвода|битола|споменик|Александар Турунџев|МРО

Повеќе на оваа тема:

Најнови вести од: Македонија

Наумовски: Победата на опозицискиот претседателски кандидат во Бугарија води до предвремени парламентарни избори

-Според некои анализи, тие имаат изгубено можеби две третини од гласовите од парламентарните избори и, според мене, тоа е прв показател дека поддршката која ја имаше Радев на парламентарните избори веќе е значително намалена. Се покажува дека релативно комотната позиција која Радев ја имаше како претседател на државата е различна од состојбата која сега ја има да решава проблеми како премиер, рече Наумовски. По социјалните мрежи имаше една шега дека има низок одѕив на изборите во Бугарија затоа што сите бугарски возови заминале во Србија Ова во „Наткаст“ на „Курир“ го изјави Васко Наумовски, универзитетски професор и поранешен вицепремиер за евроинтеграции.

Мицкоски: Достигнат е БДП од 20 милијарди долари, целта е 22 милијарди! – Опозицијата би се радувала РМ да потоне во нивното политичко мочуриште!

Податоците на Државниот завод за статистика за конечните бројки за 2024 за растот на бруто домашниот производ и ревидираните бројки за 2025 се во нагорна линија од 3,8 отсто, со што Владата ја постгна поставената цел до крајот на мандатот номиналниот бруто домашен производ да биде 20 милијарди долари, сега цели кон 22 милијарди долари, информира денеска премиерот Христијан Мицкоски.

Средба Муцунски-Клеин: Непрестаен развој на односите и одличната соработка меѓу Македонија и Унгарија

Министерот за надворешни работи и надворешна трговија на Република Македонија Тимчо Муцунски денеска оствари средба со новоназначениот специјален пратеник на Министерството за надворешни работи на Унгарија за Западниот Балкан, амбасадорот Андраш Клеин.
Сите вести од Македонија

Најнови вести

To top