Македонија

Во Брисел заседание на Советот за општи работи, расправа и за Заклучоците за проширувањето на ЕУ

Подготовките за претстојниот Самит на ЕУ, заклучоците на Советот за проширувањето, повеќегодишната финансиска рамка на блокот, годишниот извештај на Европската комисија за поедноставувањето и програмата за работа за 2026 година, ќе бидат главни теми на денешното заседание на Советот за општи работи на ЕУ во Брисел.

Со состанокот на Советот за општи работи ќе претседава данската министерка за европски прашања Мари Бјере, чија земја е сегашен претседавач со Советот на ЕУ. На состанокот ќе присуствуваат и извршниот потпретседател на Европската комисија и еврокомесар за кохезија и реформи, Рафаеле Фито, еврокомесарката за проширување Марта Кос, како и европскиот комесар за буџет Пјотр Серафин.

Состанокот на министрите за европски прашања на земјите членки ќе започне со расправа за Предлог-заклучоците за Самитот на ЕУ, предвиден за 18 и 19 декември, на кои главни теми ќе бидат состојбите во Украина и на Блискиот Исток, европска одбрана и безбедност, следниот мултифункционален буџет, проширувањето и реформите на ЕУ, миграцијата, геоекономијата и конкурентноста. Под посебна точка министрите ќе разменат мислења за проширување на ЕУ и ќе го разгледаат постигнатиот напредок на кандидатите за членство. Предвидено е и министрите да ги одобрат заклучоците на Советот за проширувањето, кои се вообликувани со цел да ги утврдат политичките приоритети и да ја проценат ситуацијата во секоја од кандидатите за членство, како и да постават насоки за понатамошни реформи.

Министрите ќе одржат и политичка расправа за Повеќегодишната финансиска рамка на ЕУ за периодот 2028-2034 година, која има за цел да овозможи усогласување на трошоците со политичките приоритети на Унијата, зголемување на предвидливоста на финансиите на блокот, обезбедување буџетска дисциплина и олеснување на усвојувањето на годишните буџети на Унијата.

Расправата ќе се насочи и на т.н. „прва преговарачка кутија“, документ подготвен од Данското претседателство, кој има за цел да ги идентификува елементите за политичко разгледување во рамката и да ја олесни дискусијата по нив на декемврискиот Самит на ЕУ. „Преговарачката кутија“ треба да претставува и основа за идните преговори за буџетот меѓу земјите членки на техничко ниво. Предвидено е министрите да усвојат и заедничка декларација за законодавните приоритети на ЕУ за 2026 година, како и да одржат размена на мислења по извештајот на Европската комисија за административно поедноставување.

Сегашното Данското и следното Кипарско претседателство со Советот на ЕУ ќе го претстават планот за работа на Советот и неговите тела за 2026 година. Планот обезбедува рамка за координација на политиките на ЕУ и им овозможува на земјите членки да ги усогласуваат своите планови и да го следат напредокот во нивното остварување. За време на работниот ручек на Советот предвидено е министрите да разговараат за придонесот на кохезивната политика кон стратегиските приоритети на ЕУ.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top