Македонија

Во март над 70.000 туристи ја посетиле Македонија

Според статистиката, најголем број странски туристи во март дошле од Германија – вкупно 9.645 посетители. Зад нив следуваат туристите од Турција со 9.090 гости, потоа Франција со 4.945 и Србија со 3.955 туристи

1 минута за читање

 

Во март годинава во земјава биле регистрирани 73.921 туристи, кои оствариле вкупно 134.233 ноќевања, покажуваат податоците на Државниот завод за статистика

Од вкупниот број туристи, 19,7 проценти биле домашни, а 80,3 проценти странски гости. Кај ноќевањата, 26,5 проценти ги оствариле домашните туристи, додека 73,5 проценти странските.

Според статистиката, најголем број странски туристи во март дошле од Германија – вкупно 9.645 посетители. Зад нив следуваат туристите од Турција со 9.090 гости, потоа Франција со 4.945 и Србија со 3.955 туристи.

Во периодот јануари – март 2026 година, вкупниот број туристи е зголемен за 5,2 проценти во однос на истиот период лани. Кај домашните туристи е забележан раст од 1,3 проценти, додека кај странските 6,9 проценти.

Истовремено, вкупниот број ноќевања бележи благ пад од 0,3 проценти. Кај домашните туристи има намалување од 1,2 проценти, додека кај странските е регистриран минимален раст од 0,2 проценти.

Податоците покажуваат дека туристичкиот сектор и натаму во голема мера зависи од странските посетители, но и дека престојот на туристите не расте со исто темпо како бројот на пристигнувања.

Поврзани теми:

актуелно|странци|туристи|ДЗР|посети

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top